اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

کیا بچوں کو عطر لگانے سے جِنّ چمٹتے ہیں؟ ⁽[1]⁾

شیطان لاکھ سُستی دِلائے یہ رِسالہ(۱۶صَفحات) مکمل پڑھ لیجیے اِنْ  شَآءَ اللّٰہ  معلومات کا اَنمول خزانہ  ہاتھ آئے  گا۔

دُرُود شریف کی فضیلت

فرمانِ مصطفےٰ  صَلَّی اللّٰہُ عَلَیْہِ وَاٰلہٖ وَسَلَّم! جس نے مجھ پر اىک بار دُرُودِ پاک پڑھا اللہ پاک اس پر10 رَحمتىں نازِل فرماتا، 10گناہ مٹاتا اور 10دَرَجات بلند فرماتا ہے۔^([2])     

صَلُّوْا عَلَی الْحَبِیْب!                                                صَلَّی اللہُ عَلٰی مُحَمَّد

کیا بچوں کو عطر لگانے سے جِن چمٹتے ہیں؟

سُوال : کىا چھوٹے بچوں کو عطر لگانا دُرُست ہے؟   

جواب : چھوٹے بچوں کو عطر لگانا بالکل دُرُست ہے ۔عوام میں یہ غَلَط فہمى پائی جاتی ہے کہ بچوں کو عطر لگانے سے جِن چمٹ جاتے  ہیں حالانکہ اىسا کچھ نہىں ہے۔

کیک پر مُقَدَّس نام یا نعلین پاک بناکر کاٹنا کیسا؟

سُوال :  مىں اىک بىکرى مىں کام کرتا تھا وہاں پر 12رَبِیْعُ الْاَ وَّل کے مہینے میں نعلىن مُبارَک کے کىک بنائے جاتے تھے، بعض کیکوں کے اوپر ”اللہ“یا ”محمد صَلَّی اللّٰہُ عَلَیْہِ وَاٰلہٖ وَسَلَّم“نام لکھا جاتا تھا ۔ لوگ ان کیکوں کو  گھر لے جا کر چُھرى سے کاٹ دىتے تھے ۔مىرا  سُوال یہ ہے کہ ایسا کرنا ٹھىک ہے ىا غَلَط ؟ نیز نام لکھنے والوں کو بھى گناہ ہو سکتا ہے ىا نہىں؟

(قصور پنجاب پاکستان سے عالمی مَدَنی مَرکز فیضانِ مدینہ آئے ہوئے ایک مُعْتَکِف  کا سُوال)     

جواب :  کىک پر لکھنے کے تعلق سے کئى بار عاشقانِ رَسُول کو سمجھاىا ہے ۔بہت سے  لوگ اب ایسا نہیں کرتے اور جو اب بھی ایسا کرتے ہیں تو انہیں سمجھنا چاہىے کہ جس پىارے نبى صَلَّی اللّٰہُ عَلَیْہِ وَاٰلہٖ وَسَلَّم کا مُبارَک نام چومتے ہىں، فرىم کروا کر لگاتے ہىں، ان کے نام پر جان قربان کرتے ہىں اور پھراسى مُقَدَّس نام کو کىک پر لکھوا کر ہاتھ مىں چھرى پکڑ لىتے ہىں۔ آپ کے عشق کو کىا ہوگىا ہے؟سوچیں تو سہی آ پ کیا  کرنے  لگے ہىں؟ مجھے تو ىہ بولتے ہوئے بھى مزہ نہىں آرہا کہ مىں الفاظ میں اسے بیان کروں۔پھر یہ کہ نعلِ پاک جو ہم سر پر لگاتے ہىں اور تمنا کرتے ہیں :

جو سر پہ رکھنے کو مل جائے نعلِ پاکِ حضور

         تو پھر کہىں گے کہ ہاں تاجدار ہم بھى ہىں        ( ذوقِ  نعت)

نقشِنعلِ پاک کى عظمت پہ قربان ! عاشقانِ رَسُول خوب سمجھ سکتے ہىں کہ نعلِ پاک کى کتنى شان وعظمت ہے لیکن پھر نہ جانے بعض کو کیا ہو جاتا ہے کہ اسے کیک پر بنا کر ہاتھ مىں چھرى پکڑ لیتے ہىں۔ایسا کرنا بے اَدبی ہے  لہٰذا اس بے اَدبى سے بچنا چاہىے کہ باادب با نصیب۔^([3])  

غریبوں کو حقارت کی نگاہ سے دیکھنا کیسا؟

سُوال : مُعاشرے مىں کچھ لوگ غرىبوں کو حقارت کى نگاہ سے دىکھتے ہىں اور اپنے مال ، گھر اور اچھى صحت پر تکبر کرتے نظر آتے ہىں ، ىہ اِرشاد فرمائىں کہ ہمارا مُعاشرہ تَکَبُّر  سے کىسے بچ سکتا ہے؟

                                                                                                                                                                                           (ریتی بابُ الاسلام سندھ سے سُوال)