ہے۔ذراغورتو کروکہ پوری رُوْح کو ایک رَگ سے نہیں بلکہ ہر ہررَگ سے نکالاجاتا ہے تو کس قَدر تکلیف ہوتی ہوگی؟اور پھر آہستہ آہستہ جسم کے ہر ہر حصّےپرموت طاری ہوتی ہے،پہلےقدم ٹھنڈےپڑتےہیں پھر پنڈلیاں اورپھررانیں ٹھنڈی پڑجاتی ہیں اور یوں جِسْم کے ہرہرحصّے کو سختی کے بعد پھر سختی اور تکلیف کے بعد پھر تکلیف  کا سامنا کرناپڑتا ہے،یہاں تک کہ رُوْح حلق تک کھینچ لی جاتی ہے،یہی وہ وَقْت ہوتاہےجب مرنے والےکی اُمّیدیں دُنیااور دُنیاوالوں سے ختم ہوجاتی ہیں جبکہ توبہ کا دروازہ کچھ ہی دیر پہلےبند ہوجاتاہےاور پھر حسرت و ندامت اسےچاروں جانب سے گھیر لیتی ہے۔(احیاءالعلوم،ج پنجم غیر مطبوعہ،ص۵۱۱،  ۵۱۲، ملتقطاً)

نزع میں رَبِّ غَفّار تجھ سے                   موت سے قبل بیمار تجھ سے

طالبِ جلوۂ مُصْطفٰے ہے                      یا خُدا تجھ سے میری دُعا ہے

وِردِ لب کلمہ طَیِّبَہ ہو                       اور ایمان پر خاتمہ ہو

آ گیا ہائے وقتِ قضا ہے                     یا خدا تجھ سے میری دُعا ہے

                                                                                                       (وسائلِ بخشش، ص  ۱۳۵، ۱۳۷)

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ

میٹھے میٹھے اسلامی بھائیو!آپ نے سُنا کہ مَرنے والا نَزع کے وَقْت کتنی دَرْدناک کیفیّت سے گُزرتا ہے ،رُوْح  نکلتے وَقْت تکلیف کی شِدّت انسان کو مَفْلُوج کر دیتی ہے۔ اُس کی عقل کو حیران و پریشان، اس کے اَعْضاء کو  کمزور اور زبان کوخاموش کر دیتی ہے ۔یادرہے !دِیْنِ اسلام چُونکہ ایک  مکمل دین ہے اوراس میں ہمارے لیےزِنْدگی کے ہر شُعبے میں رَہْنُمائی مَوْجُود  ہے۔لہٰذا دینِ اسلام نے اس بارے میں بھی ہمیں رَہْنُمائی کے مَدَنی پُھول عطا فرمائے ہیں کہ جب مَرِیْض پر اس طرح کی کیفیَّت طاری