اس آیتِ مُبارَکہ کے تحت تَفْسیرِ نعیمی میں ہےکہ ہر شخص کی موت کا وَقْت، موت کی جگہ مُقَرَّر ہے، کوئی اس سے کسی تدبیر اور کسی حِیْلہ سے بچ نہیں سکتا،تم جہاں کہیں رہو،اپنے وَقْت پر موت تم کو ضَرور پہنچے گی اگر چہ تُم مَضْبُوط قَلعوں یا آسمان کے بُرجوں میں پہنچ جاؤ، زِنْدگی کیلئے کتنےہی حِفَاظَت کے سامان بنا لومگرمَرو گے ضَرور۔ (تفسیرِ نعیمی، ج۵، ص۲۴۲)

تُو خُوشی کے پُھول لے گا کب تلک                تُویہاں زِنْدہ رہے گا کب تلک

لہلہاتے کھیت ہوں گے سب فنا         خوشنما باغات کو ہے کب بقاء

کرلے جو کرنا ہے آخر موت ہے             ایک دِن مرنا ہے آخر موت ہے

چل دِیے دُنیا سے سب شاہ و گدا     کوئی بھی دنیا میں کب باقی رہا

صَلُّوْا عَلَی الْحَبِیْب!                                                                                    صَلَّی اللّٰہُ تَعَالٰی عَلٰی مُحَمَّدٍ

میٹھے میٹھے اسلامی بھائیو!مَعْلُوم ہوا کہ موت کا دن مُقرَّر ہے ۔ہم چاہے  کیسے ہی مَضْبُوط مکان  میں  خُود کو بندکرلیں  یا کیسی ہی بلند ترین جگہ پر جا بیٹھیں  لیکن موت سےبچ کر کہیں نہیں  جا سکتے ۔ اور جب کسی پر جاں کنی کا عالَم طاری ہوتا ہے اور جِسْم سے رُوْح نکل رہی ہوتی ہے تویہ بھی اِنْتہائی دُشوار مُعامَلہ ہے ۔  نَزع کے وَقْت پیش آنے والی  سختیوں کا ذِکْر قرآنِ مجیدمیں بھی مَوجُوْد ہے ۔چُنانچہ اِرشادِ باری تَعَالیٰ ہے:

وَ جَآءَتْ سَكْرَةُ الْمَوْتِ بِالْحَقِّؕ-

تَرْجَمَۂ کنزالایمان:اورآئی موت کی سختی حق