Book Name:Ghos-e-Pak ka Kirdar
(۲)جِتنی اَچّھی نیّتیں زِیادہ،اُتنا ثواب بھی زِیادہ۔
نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کی خاطر جہاں تک ہوسکادو زانو بیٹھوں گا ٭ضَرورَتاً سِمَٹ سَرَک کر دوسرے کے لیے جگہ کُشادہ کروں گا ٭دھکّا وغیرہ لگا تو صَبْر کروں گا، گُھورنے،جِھڑکنے اوراُلجھنے سے بچوں گا٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ وغیرہ سُن کر ثواب کمانے اور صدا لگانے والوں کی دِل جُوئی کے لئے بُلند آواز سے جواب دوں گا ٭بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشِش کروں گا ۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!اَلْحَمْدُ لِلّٰہ عَزَّ وَجَلماہِ ربیعُ الاخر جاری و ساری ہے جس میں اِمامُ الاَوْلِیا، حضرت سَیِّدُنا شَیْخ عبدُ القادِر جِیْلانی رَحْمَۃُ اللہِ تَعَالٰی عَلَیْہکا عُرس نہایت اہتمام و شان کے ساتھ مَنایا جاتا ہے اور حُصُولِ برکت و نُزولِ رحمت کیلئے آپ رَحْمَۃُ اللّٰہ ِتَعَالٰی عَلَیْہ کی مُبارک زندگی کے مختلف روشن پہلوؤں کا ذکرِ خیر کیا جاتا ہے،اِسی مُنَاسَبَت سے اِنْ شَآءَاللہعَزَّ وَجَلَّ آج ہم حُضُورغَوْثِ پاک رَحْمَۃُ اللہِ تَعَالٰی عَلَیْہ کے پاکیزہ کِردار اور اِس سے حاصِل ہونے والے مَدَنی پُھول سُننے کی سَعادَت حاصِل کریں گے۔آیئے!سب سے پہلےآپ کا مُخْتَصَر تَعَارُف سُنتے ہیں،چُنانچِہ
حضرت سیِّدُنا غَوْثُ الاَعْظَم شَیْخ عبدُالقادِرجِیلانی رَحْمَۃُ اللہِ تَعَالٰی عَلَیْہکی وِلادَتِ باسَعادَت یَکُم رَمَضان 470 سِنِ ہجری جُمعَۃُ الْمُبارَک کوجِیلان میں ہوئی۔
آپ رَحْمَۃُ اللہِ تَعَالٰی عَلَیْہکی کُنْیَت ابُومحّمد ہے جبکہ مُحْیُ الدِّیْن ،مَحبوبِ سُبْحانی،غَوْثِ اَعظم،غَوْثِ ثَقَلَیْن (دِین کو زندہ کرنے والے ،اللہ سبحانہ کے محبوب ،سب سے بڑے اور جنّ وانس کے غوث ) وغیرہ آپ کے القابات ہیں۔آپ کے والِدِ مُحْتَرم کانام حضرت سَیِّدُنا ابُوصالِح مُوسیٰ جَنگی دوست اور والِدَۂ مُحْتَرَمَہ(مُحْ،تَرَ،مَہ) کا