هي چئي ڪري ان ڪلمو پڙھيو ۽ مسلمان ٿي ويو ان کان پوءِ ان حضرتِ سيدُنا سلمانرَضِىَ اللهُ تَعَالٰى عَنْهُ کي جَو ڏنا ۽ نهايت ادَب واِحتِرام سان چادر مبارَڪ موٽائي ڏني۔ خاتونِ جنّت شمعون کي دُعاءِ خير ڏني ۽ جَوَ پيهي کاڌو تيار ڪري حضرتِ سيدُناسلمان فارسيرَضِىَ اللهُ تَعَالٰى عَنْهُ کي ڏئي ڇڏيو۔ حضرت سيدُناسلمان فارسيرَضِىَ اللهُ تَعَالٰى عَنْهُ عرض ڪيو: هن مان ڪجھ گھر لاءِ رکي ڇڏيو۔ فرمايائون: بس راھ خدا ۾ ڏيڻ جي نيت سان گھرايو ۽ پچايو آهي، هاڻي هن مان وٺڻ دُرُست نه آهي۔

      حضر تِ سيدُنا سلمان رَضِىَ اللهُ تَعَالٰى عَنْهُ کاڌو وٺي بارگاھ رسالت ۾ حاضر ٿي ويو ۽ سڄو قصّو به عرض ڪيائين۔ پاڻ صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ اها ماني نومسلم(New Muslim) کي عطا ڪئي ۽ پنهنجي نورِنظَر حضرتِ سيدَتُنا فاطمه وٽ تشريف فرما ٿيا ته ڏٺائون بک سبب سندن چهرو پيلو ٿي رهيو آهي ۽ ڪمزوري (Weakness) جا آثار نمايان آهن۔ پاڻ سڳورن صَلَّى اللهُ تَعَالٰى عَلَيۡهِ وَاٰلِهٖ وَسَلَّمَ پنهنجي نياڻي فاطمه کي ويهاري تسلي ڏني ۽ دُعا فرمائي: اي اللہ ! فاطمه تنهنجي ٻانهيء آهي تون هن سان راضي رهجان۔       (سفينهٔ نُوح،حصّه دُوُم، ص۳۳ملخصاً)

       اي عاشقانِ اهلِ بيت! ڏٺو اوهان! خاتونِ جنّت حضرتِ سيدَتُنا فاطمهرَضِىَ اللهُ تَعَالٰى عَنْهَا جو ايثار ۽ سخاوت ته پاڻ فاقي سان آهن، گھر ۾ کائڻ لاءِ ڪجھ ناهي پر سخاوت ۽ ايثار جو اهڙو زبردست جذبو جو غريب نئين مسلمان (New Muslim) جي حاجت پوري ڪرڻ خاطر قرض وٺڻ جي لاءِ پنهنجي مبارڪ چادر گِروي رکائي رهيون آهن ۽ جڏهن حضرتِ سيدُنا سلمان فارسيرَضِىَ اللهُ تَعَالٰى عَنْهُ کاڌي مان ڪجھ گھر جي لاءِ رکڻ بابت عرض ڪيو ته فرمائڻ لڳيون: مون اهو کاڌو راھ خدا ۾ خيرات ڪرڻ جي نيت سان پچايو آهي۔

       سُـبْحٰـنَ الـلّٰــه عَزَّوَجَلَّ! هڪ پاسي خاتونِ جنترَضِىَ اللهُ تَعَالٰى عَنْهَا جو پاڪيزه عمل ۽ ٻي پاسي اسان جي حالت جو اسان ته پنهنجن ئي مسلمان ڀائرن کي ڦري رهيا آهيون،