Book Name:Faizan e Sayeduna Imaam Bukhari
صَلُّوا عَلَي الحَبِيب! صَلَّي اللّٰه تَعَالٰي عَلٰي مُحَمَّد
مٺا مٺا اسلامي ڀائرو! حضرت سَيدُنا امام بخاري رَحْمَةُ اللهِ تَعَالٰی عَلَيْه جي ولادت مشهور شهر بُخارا ۾ 13شَوَّال 194 (هجري) جمعي جي ڏينهن عَصر نماز کان پوءِ ٿي۔ امام بُخاري رَحْمَةُ اللهِ تَعَالٰی عَلَيْه جو نالو محمد ۽ ڪنيت ابُو عَبدُاللہ آهي۔ سندن نسب جو سِلسِلو هي آهي: محمد بن اِسماعيل بن اِبراهيم بن مُغِيره۔ امام بُخاري رَحْمَةُ اللهِ تَعَالٰی عَلَيْه جو پرڏاڏو مُغِيره ٻني ٻارو ڪندڙ ۽ غيرِ خدا جي عبادت ڪندڙ هو پر بعد ۾ حاڪمِ بُخارا ”يمان جُعفِي“ جي هٿ تي اسلام قبول ڪيائين۔ امام بُخاري رَحْمَةُ اللهِ تَعَالٰی عَلَيْه تقريبا(62) سال جي عُمر ماڻي ۽ (پهرين شَوَّال) 256 هجري ڇنڇر جي ڏينهن عِيدُ الفِطر جي رات بيماري جي حالت ۾ وِصالِ ظاهري فرمايو۔ سَمَرقَند کان ڪجھ فاصلي تي ”خَرتنڪ“ نالي علائقي ۾ (ظُهر کان پوءِ) سندن کي مٽي حوالي ڪيو ويو۔(اشعة اللمعات، ۱/۹ -۱۳ملتقطاً) (ارشاد الساري،ترجمۃ الامام بخاري ، ۱/۵۵-۵۶ ملتقطاً) اتي ئي سندن عاليشان مزارِ پُراَنوار آهي۔
اَمِيرُ المُؤمِنِين فِي الحَدِيث،حافِظُ الحَدِيث، مُحَدِّث، مُفتِي، حِبرُ الاِسلام وغيره سندن مشهور لقب آهن۔
امام بخاري رَحْمَةُ اللهِ تَعَالٰی عَلَيْه جي استاد سڳورن جو تعداد هڪ هزار اَسّي(1080) آهي۔ (نزهۃ القاري،۱/ ۱۱۹)
اعليٰ حضرت رَحْمَةُ اللهِ تَعَالٰی عَلَيْه فرمائن ٿا: امام بُخاري رَحْمَةُ اللهِ تَعَالٰی عَلَيْه وصال فرمايائون ته نَوّي هزار (90،000) شاگرد مُحَدِّث ڇڏيا۔ (ملفوظاتِ اعليٰ حضرت،ص۲۳۸)