یہ ہے کہ انسان تو انسان بے زبان جانور بھی انہیں پہچانتے اور ان کی تعظیم و توقیر بجالاتے تھے،چنانچہ غار کے اندر موجود اصحابِ کہف کے کُتّے نے جب آپ عَلَیْہِ الصَّلٰوۃُ وَالسَّلَام کے صحابہ کو دیکھا تو ان کے مبارک قدموں کے بوسے لینے لگا،اپنی دُم  (Tail) ہلانے لگا اورپھر سرکے اشارے سے اندر آنے کو کہا۔کسی شاعر نے کیا خوب کہا ہے کہ

        دامنِ مُصْطَفٰے سے جو لپٹا یگانہ ہوگیا

جس کے حضور ہوگئے اس کا زمانہ ہوگیا

ہر صحابیِ نبی ٭ ٭ ٭ ٭ ٭ جنّتی جنّتی                                  ہر صحابیِ نبی ٭ ٭ ٭ ٭ ٭ جنّتی جنّتی

چار یارِ نبی  ٭ ٭ ٭ ٭ ٭ جنتی جنتی                     ابوبکر و عمر بھی٭ ٭ ٭ ٭ ٭ جنّتی جنّتی

عثمانِ غنی ٭ ٭ ٭ ٭ ٭  جنّتی جنّتی                       فاطمہ اور علی ٭ ٭ ٭ ٭ ٭  جنّتی جنّتی

حسن بھی حسین بھی  ٭ ٭ ٭ ٭ ٭  جنّتی  جنّتی          ہر صحابیِ نبی  ٭ ٭ ٭ ٭ ٭  جنّتی جنّتی

 (3) صحابہ  کرام اور اہلِ بیت ِمصطفےٰسے محبت کرنے والوں کے لئے اللہ  کے نبی ،مکی مدنی،رسولِ ہاشمی صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے مغفرت کی دعا ارشاد فرمائی،ہمیں چاہئے کہ ہم بھی اہلِ بیتِ اطہار اور صحابَۂ کرام عَلَیْہِمُ الرِّضْوَان سے عقیدت و محبت رکھیں،ان کی شان و عظمت کے ترانے گنگناتے رہیں،ان کی بے ادبی سے بچتے رہیں اوران کی تعظیم و توقیر بجالاتے رہیں۔اے کاش!دعائے مُصْطَفٰے میں سےہمیں بھی حصہ نصیب ہوجائے اور اللہ  پاک ان سے محبت کرنے کی برکت سے ہمیں بھی مغفرت یافتہ لوگوں میں شامل فرمالے۔

ہم کو اصحابِ نبی سے پیار ہے               اِنْ شَآءَ اللہ اپنا بیڑا پار ہے

ہم کو اہلبیت سے بھی پیار ہے               اِنْ شَآءَ اللہ اپنا بیڑا پار ہے