وَسَلَّمَ سے منہ پھیرتے ہو حالانکہ حضور صَلَّی اللّٰہُ عَلَیْہِ واٰلِہٖ وَسَلَّمَ تمہارے اور تمہارے والد حضرت آدم عَلَیْہِ السَّلَام کے بروز قیامتاللہ پاک کی بارگاہ میں وسیلہ ہیں بلکہ تم حضور صَلَّی اللّٰہُ عَلَیْہِ واٰلِہٖ وَسَلَّمَہی کی طرف متوجہ ہو کر آپ صَلَّی اللّٰہُ عَلَیْہِ واٰلِہٖ وَسَلَّمَسے شفاعت مانگو پھر اللہ کریم آپ صَلَّی اللّٰہُ عَلَیْہِ واٰلِہٖ وَسَلَّمَکی شفاعت قبول فرمائے گا۔(شفاء،القسم الثانی،الباب الثالث،فصل واعلم انّ حرمۃ النبی۔۔۔ الخ، الجزء الثانی ، ص۴۱)

اعلیٰ حضرت،امامِ اہلسنت مولانا شاہ امام احمد رضا خان رَحْمَۃُ اللّٰہِ عَلَیْہ بارگاہِ رسالت میں عرض کرتے ہیں:

تجھ سے چھپاؤں منہ تو کروں کس کے سامنے                   کیا اور بھی کسی سے توقع نظر کی ہے

(حدائقِ بخشش ،ص۲۲۶)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو! سنا آپ نے!کروڑوں مالِکیوں کے عظیم پیشوا حضرت سیِّدُنا امام مالِکرَحْمَۃُ اللّٰہِ عَلَیْہ کیسے زبردست عاشقِ رسول تھے،آپرَحْمَۃُ اللّٰہِ عَلَیْہ اپنی ذات کے لئے تو سب کچھ برداشت کر لیا کرتے تھے،لیکن اگر کوئی شخص ان کے اور ہمارے آقا و مولیٰ،جنابِ احمد مجتبیٰ صَلَّی اللّٰہُ عَلَیْہِ وَاٰلِہٖ وَسَلَّمَ کی مسجد شریف میں آواز بلندکرکے بے ادبی کرجاتا تو آپرَحْمَۃُ اللّٰہِ عَلَیْہ کی غیرتِ ایمانی کو جوش آجاتا،آپ رَحْمَۃُ اللّٰہِ عَلَیْہ اس کی اس نازیبا حرکت پر خاموش نہ رہ پاتے اوراسی وقت اسے نیکی کی دعوت دیتے ہوئےبارگاہِ رسالت کےآداب(Manners)یاد دلاتے کہ یہ وہ مقدس مقام ہے جس کے آداب ہمارے پیارے ربِّ کریم نے اپنے پاکیزہ کلام قرآنِ کریم میں بیان فرمائے ہیں۔اس واقعے میں جہاں حضرت سَیِّدُنا امام مالک رَحْمَۃُ اللّٰہِ عَلَیْہ کے عشقِ رسول کا ظہور ہے وہیں یہ بھی پتا چلا کہ حضرت سَیِّدُنا امام مالکرَحْمَۃُ اللّٰہِ عَلَیْہ نیکی کی دعوت کا کوئی موقع ہاتھ سے نہ جانے دیتے تھے،مگر افسوس!اب نیکی کی دعوت