Book Name:Imam Malik ka ishq e Rasool
صَلُّوْا عَلَي الْحَبِيب! صَلَّي اللّٰه تَعَالٰي عَلٰي مُحَمَّد
پياريون پياريون اسلامي ڀينرون! اچو! هاڻي عالِمِ مدينه حضرت سَيدُنا امام مالڪ رَحْمَةُ اللهِ تَعَالٰی عَلَيْه جو مختصر پيارو تذڪرو ٻڌون ٿيون:
حضرت سيدنا امام مالڪ رَضِىَ اللهُ تَعَالٰی عَـنْهُ جي ولادت ۽ نسبي سلسلو
حضرت سَيدُنا امام مالڪ رَحْمَةُ اللهِ تَعَالٰی عَلَيْه جي ولادت باسعادت صحيح قول جي مطابق (ماه ربيع الاول) 93ھ مَدِينه مُنوَّره ۾ ٿي۔ (تذڪرۃ الحفاظ،الجزء الاول،۱/۱۵۷)۔ سندن نالو مالڪ ۽ ڪنيت ابوعبدالله آهي، سندن نسب جو سلسلو هي آهي: مالڪ بن انس بن مالڪ بن ابوعامر۔ پاڻ رَحْمَةُ اللهِ تَعَالٰی عَلَيْه جا پر ڏاڏا (Great grandfather) ابوعامر ”يمَن“ کان مديني شريف منتقل ٿي اسلام جي نعمت کان سرفراز ٿيا ۽ صحابي هئڻ جو شرف حاصل ڪيائون۔ (ترتيب المدارڪ،۱/۴۷ملخصاً) حديثِ پاڪ جو مشهور ڪتاب ”مُؤطّا امام مالڪ“ حضرت سَيدُنا امام مالڪ رَحْمَةُ اللهِ تَعَالٰی عَلَيْه جي لکيل آهي۔ (ترتيب المدارڪ، ۱/۱۰۰،۱۰۱مفهوماً) حضرت سَيدُنا امام مالڪ رَحْمَةُ اللهِ تَعَالٰی عَلَيْه جو وصال مديني پاڪ ۾ 179 هجري ربيع الاول ۾ ٿيو، جنت البقيع ۾ سرڪارِ ابدِ قرار، شفيعِ روزِ شمار صَلَّى اللهُ تَعَالٰى عَلَيْهِ وَاٰلِهٖ وَسَلَّم جي شهزادي حضرت سيدنا ابراهيم رَضِىَ اللهُ تَعَالٰی عَـنْهُ جي قرب ۾ سندس کي دفن ڪيو ويو۔ (تذڪرۃ الحفاظ، ۱/۱۵۷۔) وفيات الاعيان، ۴/۵ملخصاً) ۽ اتي ئي سندن مزارِ عاليشان به آهي۔
عالِمِ مدينه حضرت سَيدُنا امام مالڪ رَحْمَةُ اللهِ تَعَالٰی عَلَيْه ڊگھي قد، جسم ڀريل، رنگ جا زردي مائل سفيد هئا۔ مٿي ۽ ڏاڙھي جا وار سفيد، نهايت خوش لباس هئا۔ پاڻ رَحْمَةُ اللهِ تَعَالٰی عَلَيْه عدن شهر جا ٺهيل نهايت نفيس ۽ قيمتي ڪپڙا پائيندا هئا. ان جي علاوه خراسان ۽ مصر جي اعليٰ قسم جا ڪپڙا به پائيندا هئا. پاڻ رَحْمَةُ اللهِ تَعَالٰی عَلَيْه جو لباس اڪثر سفيد هوندو هو ۽ پاڻ رَحْمَةُ اللهِ تَعَالٰی عَلَيْه عطر لڳائيندا