تَعَالٰی عَلَيْه جيان هميشه موت ۽ آخرت کي ياد رکڻ وارا بڻجي وڃون۔ اچو! پنهنجي وقت جي مجدد ۽ امام حضرت سَيدُنا امام غزالي رَحْمَةُ اللهِ تَعَالٰی عَلَيْه جو اڃا وڌيڪ ذڪرِ خير ٻڌون ٿا:

امام غزالي جو تذڪرو:

  حضرتِ امام غزالي رَحْمَةُ اللهِ تَعَالٰی عَلَيْه تمام وڏا عالم ۽ الله پاڪ جا ولي هئا، ٭ حضرتِ امام غزالي رَحْمَةُ اللهِ تَعَالٰی عَلَيْه جو عُرس جُمَادَي الاُخريٰ جي 14 تاريخ جو آهي۔ ٭ حضرت سَيدُنا امام غزالي رَحْمَةُ اللهِ تَعَالٰی عَلَيْه جي ڪنيت ابُوحامِد، لَقَب حُجَّة الاِسلَام (اسلام جو دليل) ۽ مبارڪ نالو محمد بن محمد غزالي شافعي آهي، پاڻ ۴۵۰ھ ۾ خراسان جي ضلعي طُوس جي علائقي طابِران ۾ پيدا ٿيا۔ (اتحاف السادة المتقين ،مقدمة الڪتاب ،۱/۹) ٭ حضرت امام غزالي رَحْمَةُ اللهِ تَعَالٰی عَلَيْه جو شُمار انهن مُقدَّس هستين ۾ ٿئي ٿو، جن پنهنجي سڄي زِندگي علم حاصل ڪرڻ ۽ تبليغِ دين جي لاءِ وَقف ڪري ڇڏي هئي۔ ٭ حضرت سَيدُنا امام غزالي رَحْمَةُ اللهِ تَعَالٰی عَلَيْه اِحياءِ دِين جي لاءِ اهڙا اهڙا ڪارناما سر اَنجام ڏنا جو پنهنجي وَقت جا مُجَدِّد ٿي مشهور ٿيا۔ ٭ حضرت سَيدُنا امام غزالي رَحْمَةُ اللهِ تَعَالٰی عَلَيْه ابتدا ۾ وڏي شان ۽ شوڪت سان زندگي گذاريندا هئا پر بعد ۾ زُهد واري انداز کي اختيار فرمايائون۔ حضرت سَيدُنا ابُومنصور سعيد بن محمد رَحْمَةُ اللهِ تَعَالٰی عَلَيْه بيان فرمائن ٿا : جڏهن پهرين ڀيري حضرت سيدُنا امام غزالي رَحْمَةُ اللهِ تَعَالٰی عَلَيْه عالمانه شان وشوڪت سان بغداد ۾ داخل ٿيا ته اسان سندن لِباس ۽ سواري جي قيمت لڳائي ته اها پنج سو (500) دِينار (يعني 500 سؤ سون جا سِڪا) ٿي، پوءِ جڏهن پاڻ رَحْمَةُ اللهِ تَعَالٰی عَلَيْه زُهد ۽ تَقويٰ اِختيار ڪري بغداد ڇڏيائون ۽ مختلف مَقامن جو سفر ڪندا رهيا ۽ ٻيهر جڏهن بغداد ۾ داخل ٿيا ته اسان سندن لباس جي قيمت لڳائي ته اها پندرهن (15) قيراط (يعني ڪجهه معمولي سِڪا) ٿي۔“ (المنتظم في تاريخ الملوڪ والامم، ۹/۱۲۶، الجزء: ۱۷)

امام غزالي رَحْمَةُ اللهِ تَعَالٰی عَلَيْه ۽ احياءُ العلوم

٭ ”امام غزالي جو ڪتاب احياء العلوم“ اَخلاقيات جي مَوضُوع تي بي مثال ڪتاب آهي۔ ٭ ”احياء العلوم“ پڙھي آخرت جي تياري جو ذهن ٺهندو آهي،