Book Name:Akhirat Ki Tyari Ka Andaz Kasay Hona Chahiya
محافظ بڻجي ويو، اولياء ڪرام رَحْمَة اللّٰه عَلَيهم اَجۡمَعِين جي صحبت ۽ نسبت جون برڪتون ڇا نصيب ٿيون، ان جي ته قسمت چمڪي پئي ان جو مقام ۽ مرتبو ايترو بلند ٿيو جو ربِّ ذُوالجلال ان کي پنهنجي پاڪيزه ڪلام قرآنِ ڪريم ۾ پنهنجي مقبول ٻانهن يعني اصحابِ ڪهف رَضِیَ اللهُ تَعَالٰی عَنْهُم سان گڏ ان جو به ذڪر فرمايو، جيئن سيپاري 15سورة الڪهف جي آيت نمبر18 ۾ ارشادِ خداندي آهي وَ كَلْبُهُمْ بَاسِطٌ ذِرَاعَیْهِ بِالْوَصِیْدِؕ (پ۱۵،الڪهف:۱۸) ترجمو ڪنز الايمان: ۽ سندن ڪُتو پنهنجُون ڪَارايون پکيڙِيندڙ آهي غار جِي چائنٺ تي
:
حضرت سَيدُنا اِمام ابوعبدُالله محمد بن اَحمد قُرطبي رَحْمَةُ اللهِ تَعَالٰی عَلَيْه فرمائن ٿا: جڏهن نيڪ ٻانهن ۽ اولياء ڪرام رَحْمَة اللّٰه عَلَيهم اَجۡمَعِين جي صحبت ۾ رهڻ جي برڪت سان هڪ ڪتّو ايترو بلند مقام ماڻي ويو جو الله تعاليٰ ان جو ذڪر قرآنِ پاڪ ۾ فرمايو ته ان مسلمان جي باري ۾ توهان جو ڇا خيال آهي جيڪو اولياء ڪرام رَحْمَة اللّٰه عَلَيهم اَجۡمَعِين ۽ نيڪ ٻانهن سان محبت ڪرڻ وارو ۽ ان جي صحبت کان فيضياب ٿيڻ وارو آهي بلڪه هن آيت ۾ ان مسلمانن جي لاءِ تسلّي آهي جيڪي ڪنهن بلند مرتبي تي فائز نه آهن۔ (تفسیر قرطبی، پ۱۵،الکھف، تحت الآیۃ: ۱۸،الجزء۱۰،۵/۲۶۹) يعني ان جي لاءِ تسلّي آهي جو اهي پنهنجي ان محبت ۽ عقيدت جي ڪري الله تعاليٰ جي بارگاھ ۾ ڪامياب ٿيندا۔ (صِراطُ الجِنان،پ۱۵،الکہف،تحت الآیۃ:۱۸، ۵/۵۵۰)
اي عاشقانِ اوليا! اوهان ٻڌو ته انسان هجي يا جانور چڱي صحبت سان فيضياب ٿيڻ وارو ڪو به محروم ناهي رهندو بلڪ ان تي ربّ ڪريم جو خاص فضل ۽ احسان ٿيندو آهي ۽ ان جو ٻيڙو پار ٿي ويندو آهي۔ هن پُرفتن دَور ۾ چڱي صحبت ماڻڻ جو هڪ ذريعو دعوتِ اسلامي جو مشڪبار مدني ماحول به آهي، اَلْـحَمْـدُ لـِلّٰـه عَزَّوَجَلَّ هن مدني ماحول ۾ عاشقانِ رسول جي صحبت سان ڪيترن ئي بگڙيل ماڻهن جي اصلاح جو سامان ٿي چڪو آهي ۽ توبه کان پوءِ