رکھ دیا۔کلام کے آخری شعر میں اعلیٰ حضرت رَحْمَۃُ اللہِ عَلَیْہ اپنے آپ کو مخاطب کرتے ہوئے فرماتے ہیں:اے رضا! غم کے مارے بے سہارے  ، گنہگار بے چارے  جن کو اپنے گناہوں کی فکر کھائی جارہی ہے،ان کو خوشخبری سنا دو کہ تم اکیلے نہیں ہو بلکہ تمہارے غمخوار آقا، اُمّت کے لجپال آقا  صَلَّی اللّٰہُ عَلَیْہِ واٰلِہٖ وَسَلَّمَتمہارے  ساتھ ہیں جو تمہیں اپنی شفاعت کے ذریعے سہارا دے کر جنت میں پہنچائیں گے۔آئیے !سب مل کر نعرے لگاتے ہیں،سب مرحبا کہئے گا۔

اللہ کی عنایت                   مرحبا          معراج کی عظمت       مرحبا         اَقْصیٰ کی شوکت              مرحبا

بُراق کی قسمت                  مرحبا          بُراق کی سُرعَت         مرحبا         نبیوں کی اِمامت              مرحبا

آقا کی رِفْعت                      مرحبا          آسماں کی سِیاحت       مرحبا         مکینِ لامکاں کی عظمت       مرحبا

 صَلُّو ْا عَلَی الْحَبِیْب!                                صَلَّی اللہُ عَلٰی مُحَمَّد

پىارے پىارے اسلامى بھائىو!اس میں شک نہیں  کہ ہمارے آقا، مکی مدنی مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ کی ذات وہ ذات ہے  کہ تمام انبیائےکرام عَلَیْہِمُ السَّلَامکو جو مراتب  اور کمالات علیحدہ علیحدہ  عطا کئے گئے  سرکار عَلَیْہِ السَّلَامکو وہ تمام عطا کر دئیے گئے ۔ جیساکہ مولانا نقی علی خان رَحْمَۃُ اللّٰہ ِعَلَیْہ   فرماتے ہیں: تمام انبیائےکرام عَلَیْہِمُ السَّلَام میں جسے جو بھی فضیلت دی گئی ہے  وہ تمام کی تمام فضیلتیں رَسُولُاللہ صَلَّی اللّٰہُ عَلَیْہِ واٰلِہٖ وَسَلَّمَ کو عطا کی گئیں اور نہ صرف وہ عطا کی گئیں بلکہ کچھ ایسے خصائص(یعنی خصوصیات)بھی آپ صَلَّی اللّٰہُ عَلَیْہِ واٰلِہٖ وَسَلَّمَ  کو عطا کئے گئے  جو کسی اور کو نہ عطا  کئے گئے۔(سرور القلوب بذکر المحبوب،ص۱۹۶، ملخصاً)

اگر ہم بی بی آمنہ کے پھول، تمام جہانوں کے رسول صَلَّی اللّٰہُ عَلَیْہِ واٰلِہٖ وَسَلَّمَ کے تمام معجزات کی طرف نظر دوڑائیں تو   اعلیٰ حضرت، امامِ اہلسنّت امام احمد رضا خان رَحْمَۃُ اللہِ عَلَیْہ  کا  وہ شعر سمجھ میں آتا ہے  کہ