ہے ،نیکیاں آئندہ کرلیں گے، اسی خیال میں رہتے ہیں کہ موت آجاتی ہے۔(مراۃ المناجیح،۷/۹۴)

      اے عاشقانِ رسول!واقعی یہ حقیقت ہےکہ نفس وشیطان ہمیں اس طرح دھوکےمیں ڈالتے ہیں  کہ ابھی تو تم جوان ہو بڑھاپے میں توبہ کرلینا،یانوکری سے ریٹائر ہونے کے بعد توبہ کرلینا ۔ابھی بڑی عمر پڑی ہے،ابھی تو کھیلنےکُودنے کےدن ہیں ،ابھی دوستوں کےساتھ  نائٹ کلب(Night Club) میں جانے کےدن ہیں،ابھی  عمدہ عمدہ ریسٹورنٹ/فُوڈ پوائنٹ(Food Point) پرکھانےکےدن ہیں،ابھی گھومنے پھرنے کےدن ہیں۔بعد میں توبہ کرلینا،یابڑھاپے میں خوب نیکیاں کرلینا،یہ جملے ہمیں اپنے آپ کو بدلنےاور اپنی اِصلاح نہیں  کرنے  دیتے،حالانکہ اگر ہم غور کریں تو ہمیں  ایسے کئی  نوجوان نظر آئیں گے ،جن کی جوانیاں  بھی  اسی طرح کے خیالات میں گزر رہی تھیں، مگر زندگی نے ان کے ساتھ وفانہیں  کی،وہ اچانک موت کا شکار ہوگئے، موت نے انہیں اس ہنستی بستی دنیا سے اٹھا کر اندھیری قبر میں  پہنچا دیا۔

چل دئیے دنیا سے سب شاہ و گدا                                                 کوئی بھی دنیا میں باقی کب رہا

جیتنے دنیا سِکَندر تھا چلا                                                               جب گیا دنیا سے خالی ہاتھ تھا

لہلہاتے کھیت ہوں گے سب فنا                                                   خوش نما باغات کو ہے کب بقا؟

تُو خوشی کے پھول لے گا کب تلک؟                                            تُو یہاں زندہ رہے گا کب تلک؟

(وسائلِ بخشش مرمم، ص ۷۰۹)

       یادرکھئے!طویل عمر(Long life)پانےکیلمبی امیدنمازیں قَضاکرواتی ہے،زکوٰۃ اورفرض حج کی اَدائیگی میں تاخیر کرواتی ہے ،ہمیشہ سہولتوں بھر ی زِندگی  پانے کی لمبی اُمیددُکھ ،تکلیف اور مَشقَّت میں مبُتلا کردیتی ہے،لمبی اُمیدیں انسان کےدل میں مال ودولت کی ہَوس پیداکرتی ہیں،لمبی اُمیدیں ہی بُلندوبالاعمارتیں  تعمیر کرنےپر اُبھارتی ہیں،لمبی اُمیدیں ہی  انسا ن کےدل سےبروزِقیامت   بارگا ہِ الٰہی  میں اپنے ہرعمل کا جواب