هُم اوكړئ.

صَـلُّـوْا  عَلَـی الْحَبِیْب!                                                 صَلَّی اللّٰـہُ عَلٰـی مُـحَـمَّـد

       خوږو او مُحترمو اسلامي ورونړو! كاميابي یو داسے منزل دے چه د دے خواهش د هر انسان په زړه كښے وي، که دُنياوي مُعامَلات وي او كه د آخرت معامَلات وی، الغرض هر سړے پكښے كاميابيدل غواړي او صرف د كاميابئ حاصلولو سوچونه كوي، او هيڅ كله ناكامه کیدل نه غواړي. ياد ساتئ چه! په هر مقصد كښے د كاميابيدو د پاره اِستِقامت حاصلول ضروري دي، د نن په بيان كښے به مونږه دا اورو چه اِستِقامت څه ته وائي؟ د كاميابئ د پاره اِستِقامت ولے ضروري دے؟ د اِستِقامت حاصلولو فائدے، په قرآن كريم او احاديث طيبه كښے د اِستِقامت حاصلولو طريقے، د الله والؤ د اِستِقامت واقعات او د اِستِقامت په لاره كښے راتلونكي ركاوټونه، الله پاك دِ مونږ ته ټول بيان د ښو ښو نيتونو او پوره تَوجُّه سره د اوريدلو توفیق كړي. آمِیْنْ بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ وَاٰلِہٖ وَسَلَّم

     راځئ چه اول يوه واقعه واورو: چنانچه

دا يو ځان څه كه وي په كروړونو

    صحابئ  رسول حضرت عبدالله بن حُذافه رَضِیَ الله عَنْه   چه كله غير مسلمو روميانو قيد كړو او خپل بادشاه ته ئے پيش كړو، نو بادشاه ورته اووئيل چه ته د خپل دين نه واوړه، زه به تا خپله باشاهئ كښے شريك كړم او خپله لور به هُم ستا په نكاح كښے