Book Name:Achi Aur Buri Lalach
فرمايو: مال جي محبت دل ۾ هن طرح نفاق پيدا ڪندي آهي جيئن پاڻي سبزي ڦٽائيندو آهي۔ وڌيڪ مال هلاڪ ڪرڻ وارو ۽ پنهنجي مالڪ کي بُرن ماڻهن ۾ شامل ڪندو آهي۔ مال آخرت جي لاءِ وبال جو سبب آهي۔ مال ۽ مرتبي جو حرص انسان جي دين کي ان کان وڌيڪ نقصان پهچائيندو آهي جيترو ٻه بکايل بگھڙ ٻڪرين جي ڌڻ کي پهچائيندا آهن۔([1])مال يعني درهم و دينار واري ٻانهي تي لعنت ڪئي وئي آهي([2]) ۽ پاڻ فرمايائون ته انسان پوڙهو ٿي ويندو آهي پر مال جي لالچ ۽ عمر جي زِيادَتي جوان رهندي آهي۔([3])
دولت کی حرص دل سے اللہ دُور کر دے عشقِ رسول دے دے یہ دعا کر رہے ہیں([4])
صَلُّوا عَلَي الْحَبيب! صَلَّي اللّٰه عَلٰي مُحَمَّد
اي عاشقانِ رسول! واقعي حرص ۽ لالچ تمام بُري بلا آهي، حضرت سيدنا امام محمد بن محمد غزالي رَحْمَةُ اللهِ عَلَيۡه فرمائن ٿا: لالچي شخص جنهن شخص سان لالچ رکندو آهي اهو شخص ڄڻ ان جو مَعبود بڻجي ويندو آهي۔ پوءِ هي ان سان دوستي ڪرڻ، ان جو محبوب بڻجڻ ۽ ان تائين پهچڻ جي لاءِ هر راھ تي هلڻ لڳندو آهي ۽ ان جي گھٽ مان گھٽ اها حَالَت هوندي آهي جو هو ڪوڙي ساراھ ڪندو آهي ۽ اَمرٌ بِالمَعرُوف ۽ نَهي عَنِ المُنڪر (يعني نيڪي جو حڪم ڪرڻ ۽ بُرائي کان منع ڪرڻ کي) تَرڪ ڪندي ان جي سامهون مُداهنت سان ڪم وٺندو آهي (يعني حق ڳالھ لڪائيندو آهي)۔([5])