جيڪو ان کي قلبي لالچ سان وٺندو ته ان کي ان مال ۾ برڪت ناهي ڏني ويندي ۽ هو ان شخص وانگر ٿي ويندو آهي جيڪو کائي پر پيٽ نه ڀري ۽ (ياد رکو) مٿي وارو هٿ هيٺ واري هٿ کان بهتر آهي۔^([1])

حِرصِ دنیا نکال دے دل سے                                                                                                                                                          بس رہوں طالبِ رضا یارب^([2])

صَلُّوا عَلَي الْحَبيب!                                                           صَلَّي اللّٰه عَلٰي مُحَمَّد

لالچ ڇا کي چئبو آهي؟

پيارا پيارا اسلامي ڀائرو! عام طور تي اهو ئي سمجھيو ويندو آهي ته لالچ جو تعلق صرف مال و دولت سان آهي جڏهن ته ائين نه آهي ڇوته لالچ  ته ڪنهن شيء جي گهڻي خواهش ڪرڻ جو نالو آهي ۽ اها شيء ڪجھ به ٿي سگھي ٿي چاهي اهو مال هجي يا ڪجھ ٻيو۔ حضرتِ علامه عبدالمُصطَفٰي اعظمي رَحْمَةُ اللهِ عَلَيۡه لکن ٿا: لالچ ۽ حِرص جو جذبو خوراڪ، لباس، مڪان، سامان، دولت، عزت، شهرت مطلب ته هر نعمت ۾ ٿيندو آهي۔^([3])

سيپاري 5 سوره نساء جي آيت نمبر 128 ۾ ارشاد آهي:

وَ اُحْضِرَتِ الْاَنْفُسُ الشُّحَّؕ- (پ۵،النساء: ۱۲۸)

۽ دليون لالچ جي ڦندي ۾ آهن

تفسيرِ خازن ۾ هن آيت جي حوالي سان آهي: ’’لالچ“ دل جو لازمي حصو آهي ڇوته اها اهڙي طرح بڻائي وئي آهي۔ اولادِ آدم ۾ حرص لالچ ۽ حسد اهي ٽي شيون رکيون ويون آهن ۽ قيامت تائين رهنديون.^([4]) انهن ٽنهي شين يا