صَلَّی اللّٰہُ عَلَیْہِ وَاٰلِہٖ وَسَلَّم کی نعت ہے۔

                             سورۂ وَالضُّحیٰ  ہی کودیکھ  لیجئے ، یہ مکمل سورت ہی رسولِ کریم  صَلَّی اللّٰہُ عَلَیْہِ وَاٰلِہٖ وَسَلَّمکی تعریف  پر مشتمل ہے ، بالخصوص اِس کی ابتدائی 2 آیات میں تو  بڑے ہی نِرالے انداز میں مصطفے کریم  صَلَّی اللہُ عَلَیْہِ وَاٰلِہٖ وَسَلَّمکےمبارَک  چہرےکو چاشت  کے ساتھ اور مبارَک زُلفوں کو رات کے اندھیرے سے تشبیہ دی گئی ہے ، چنانچہ

                             ربِّ کریم ارشاد فرماتاہے :

وَ الضُّحٰىۙ(۱) وَ الَّیْلِ اِذَا سَجٰىۙ(۲)    (پ : ۳۰ ، الضحیٰ : ۲ ، ۱)

تَرْجَمَۂ کنز العرفان : چڑھتے دن کے وقْت کی قسم۔ اور رات کی جب وہ ڈھانپ دے۔

                                                  حضرت امام فخر ُالدِّین رازی  رَحْمَۃُ اللہِ عَلَیْہ “ تفسیرِ کبیر “ میں لکھتے ہیں : ’’وَالضُّحٰی‘‘سےمُراد ہے مصطفے صَلَّی اللہُ عَلَیْہِ وَاٰلِہٖ وَسَلَّم کے روشن چہرے کی قسم اور “ وَالَّیْل “ سے مراد ہے آپ صَلَّی اللہُ عَلَیْہِ وَاٰلِہٖ وَسَلَّم کی کالی زُلفوں کی قسم۔  

(تفسیر کبیر ، ۱۱ / ۱۹۱ماخوذاً)  

صَلُّو ْا عَلَی الْحَبِیْب!                                              صَلَّی اللہُ عَلٰی مُحَمَّد

                             پیارے پیارے اسلامی بھائیو!غورکیجیے!اللہ  پاک نےکیسے پیارےانداز میں اپنے پیارےمحبوب صَلَّی اللہُ عَلَیْہِ وَاٰلِہٖ وَسَلَّم کےروشن چہرےاورخوبصورت زُلفوں کی قسم بیان فرمائی ، صِرْف یہی نہیں بلکہ اللہ پاک نے قرآنِ کریم میں اپنے محبوب صَلَّی اللّٰہُ عَلَیْہِ واٰلِہٖ وَسَلَّمَ کی اداؤں اور آپ سے تعلق  رکھنے والی مختلف چیزوں کی قسم بھی یاد فرمائی ہے۔ آئیے! ملاحظہ کیجئے :

                             اللہ پاک نے اپنے محبوبِ کریم صَلَّی اللّٰہُ عَلَیْہِ واٰلِہٖ وَسَلَّمَ کی مبارَک گفتگو کی قسم یاد فرماتے ہوئے اِرشاد