کا کھیت پہلے آتا تھا ، اِس کے باوجود سرکارِ مدینہ  صَلَّی اللّٰہُ عَلَیْہِ وَاٰلِہٖ وَسَلَّم نے اَنصاری کے ساتھ بھی اِحسان کرنے کا فرما دیا ، لیکن مجموعی فیصلہ اَنصاری کو ناگوار گزرا اور اُس کی زبان سے یہ کلمہ نکلا کہ زُبیر آپ کے پھوپھی زاد بھائی ہیں۔ باوجود یہ کہ فیصلے میں حضرت زُبیررَضِیَ اللہُ عَنْہُ  کو  اَنصاری کے ساتھ اِحسان کی ہدایت فرمائی گئی تھی ، لیکن انصاری نے اِس کی قدر نہ کی تو حُضور پاک  صَلَّی اللّٰہُ عَلَیْہِ وَاٰلِہٖ وَسَلَّم نے حضرت زُبیر رَضِیَ اللہُ عَنْہُ کو حکم دیا کہ اپنے باغ کو سیراب کرکے پانی روک لو۔ اِس پر یہ آیت اُتری۔ (بخاری ، کتاب الصلح ، باب اذا اشار الامام بالصلح… الخ ، ۲ / ۲۱۵ ، حدیث : ۲۷۰۸ ۔ تفسیر صراط الجنان ، ۲ / ۲۳۹ )

اللہ پاک اِرشاد فرماتاہے :

فَلَا وَ رَبِّكَ لَا یُؤْمِنُوْنَ حَتّٰى یُحَكِّمُوْكَ فِیْمَا شَجَرَ بَیْنَهُمْ ثُمَّ لَا یَجِدُوْا فِیْۤ اَنْفُسِهِمْ حَرَجًا مِّمَّا قَضَیْتَ وَ یُسَلِّمُوْا تَسْلِیْمًا(۶۵)   (پ۵ ، النساء : ۶۵)                                                                                                                                                                                               

ترجمۂ کنز العرفان : تو اے حبیب! تمہارے رب کی قسم ، یہ لوگ مسلمان نہ ہوں گے جب تک اپنے آپس کے جھگڑے میں تمہیں حاکم نہ بنالیں پھر جو کچھ تم حکم فرما دو اپنے دلوں میں اُس سے کوئی رکاوٹ نہ پائیں اور اچھی طرح دل سے مان لیں۔

اِس آیتِ مبارَکہ کے تحت تفسیر صراطُ الجنان میں جو نکات لکھے ہیں ، آئیے! اُن میں سے چند نکات سُنتے ہیں :

(1)اِس آیت میں اللہ پاک نے اپنے رب ہونے کی نسبت اپنے حبیب صَلَّی اللّٰہُ عَلَیْہِ وَاٰلِہٖ وَسَلَّم کی طرف فرمائی اور فرمایا : اے حبیب! تیرے رب کی قسم۔ یہ نبی ِّکریم صَلَّی اللّٰہُ عَلَیْہِ وَاٰلِہٖ وَسَلَّم کی عظیم شان ہے کہ اللہ پاک اپنی پہچان اپنے حبیب  صَلَّی اللّٰہُ عَلَیْہِ وَاٰلِہٖ وَسَلَّم کے ذریعے سے کرواتا ہے۔