په چكر كښې وي. هائے افسوس! كه مونږه جامے اخلو نو هُم  کوشش مو دا وي چې داسې جامے واخلم چې څوک ئې اوويني چې واه واه اوکړي ، که خوشبو اخلو نو هُم په زړه کښې مو دا وي چې په کومه کوڅه تيريږم چې ټوله کوڅه خوشبوداره شي ، افسوس! مونږه پيزار اخستلو او خوښولو کښې هُم ډير زيات وخت ضائع كوو د پاره د دې چې څوک ئې اُووِيني چې ورته حيران شي. د واده په موقع خلقو ته ځان ښودل ، او په اخترونو كښې ځان ښودل.كاش چې! د شهرت د دې شوق نه مونږ ته نجات ملاو شي ، كاش چې! مونږه د الله پاك رضا حاصلوونكي جوړ شو ، كاش چې! زمونږ ژوند د الله پاك د راضي كولو په كارونو كښې تير شي. حديثِ پاك كښې دي : دوه اوږي شرمخان چې د چيلو په رمه كښې څومره تباهي کوي ، د مال او شهرت محبت د انسان په دين کښې د هغې نه هُم زياته تباهي راولي.

صَـــلُّـــوْا  عَـــلَـی   الْــحَـــبِــيْــب!                          صَـلَّـی اللهُ   تَعالٰـی عَلـٰی   مُـحَـمَّد

     خوږو او مُحترمو اسلامي ورونړو! دلته يوه بله اهمه نكته ده ، هغه دا چې دا حديثِ پاك ، د كوم د وضاحت اوريدلو چې مونږه سعادت حاصلوو ، په دې كښې خو ارشاد فرمائيلے شوي دي چې الله پاك ګمنامي خوښوونكي بنده سره محبت كوي ، اوس يو بل حديثِ پاك واورئ! د حضرت ابوهُريره رَضِیَ اللهُ  عَنْه نه روايت دے ، د الله پاك آخري نبـي ، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائي : بيشكه الله پاك چې كله د خپل کوم بنده سره محبت فرمائي نو جبريلِ اَمين عَلَيْهِ السَّلام ته فرمائى : اے جبريل! زه د فلانکي بنده سره محبت كووم ، ته هم د هغه سره محبت اوكړه ، نو جبريل عَلَيْهِ السَّلام هُم د هغه سره محبت کول شروع كړي ، بيا په آسمان كښې دا اعلان كيږي چې بيشكه الله پاك د فلانکي بنده سره محبت كوي ، اے فرښتو! تاسو ټول هم د هغه سره محبت اوكړئ...!! پس د آسمان