کی مہک ہے ، حضرت ابو عبد اللہ عطار رَحمۃُ اللہِ عَلَیْہ فرماتے ہیں :

بِطِیْبِ رَسُوْلِ اللہِ طَابَ نَسِیْمُہَا                                                                    فَمَا لِلْمِسْکِ وَ الْکَافُوْرِ وَ الصَّنْدَلِ الرَّطَبِ^([1])

   یعنی مدینۂ پاک وہ مبارک ، مقدس اور پاکیزہ شہر ہے کہ خوشبودا رآقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم  کی خوشبوؤں سے اس کی فضائیں مہک رہی ہیں ، پَس اس اعلیٰ ترین خوشبو کے سامنے مُشْک ، کافُور اور صندل وغیرہ کی کیا حیثیت...!!

مدینہ مدینہ ہمارا مدینہ                    ہمیں جان و دِل سے ہے پیارا مدینہ

سہانا سہانا ، دِل آرا مدینہ               دِیوانوں کی آنکھوں کا تارا مدینہ

یہ رنگیں فضائیں ، یہ مہکی ہوائیں                                                          مُعَطَّر مُعَطَّر ہے سارا مدینہ

مدینے کے جلووں کے قربان جاؤں                                   خُدا نے ہے کیسا سَنْوارا مدینہ^([2])

پیارے اسلامی بھائیو!  ہمارے پیارے آقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم  کی خوشبوؤں کے بھی کیا کہنے..!! *میرے نبی صَلَّی اللہُ عَلَیْہِ وَاٰلِہٖ وَسَلَّم  کا جِسْمِ پاک بھی خوشبودار ، * میرے نبی صَلَّی اللہُ عَلَیْہِ وَاٰلِہٖ وَسَلَّم  کا پسینہ مبارک بھی خوشبودار * میرے نبی صَلَّی اللہُ عَلَیْہِ وَاٰلِہٖ وَسَلَّم  کا لُعَاب شریف (یعنی تھوک مبارک) بھی خوشبودار * میرے نبی صَلَّی اللہُ عَلَیْہِ وَاٰلِہٖ وَسَلَّم  جس چیز کو ہاتھ لگا دیتے وہ بھی خوشبودار ہو جاتی ، * میرے نبی صَلَّی اللہُ عَلَیْہِ وَاٰلِہٖ وَسَلَّم  جہاں سے گزر فرماتے ، وہ راہیں خوشبوؤں سے مہک جایا کرتی تھیں۔ سیدی اعلیٰ حضرت ، امامِ اہلسنت رَحمۃُ اللہِ عَلَیْہ فرماتے ہیں :

عنبر زمین ، عَبِیر ہوا ، مُشْک تَر غُبار            اَدْنیٰ سِی یہ شَنَاخت تری رہ گزر کی ہے^([3])