Book Name:اِنْ شَآءَاللہ Kehnay Ki Barkaten
اوكړو، حضرت موسٰى عَلَيْهِ السَّلام د الله پاك په حكم اوفرمائيل: يوه غوا ذبح كړئ. بنـي اسرائيلو له پكار وو چې فوراً ئې يوه غوا ذبح كړي وے او د الله پاك په حكم ئې عمل كړے وے، خو بنـي اسرائيلو تپوسونه شروع كړل.
دا سخته د عبرت خبره ده، الله پاك چې كوم حكم ارشاد اوفرمائي. د الله پاك نبـي چې كوم حكم اوفرمائي، په هغې باندې زر عمل كول پكار دي، د الله او رسول په حكم باندې تپوسونه كول، اخوا ديخوا كول، تحقيق كول، دا د بنده كار نه دے، بنده خو بنده دے، هغه له پكار دي چې په حكم عمل اوكړي او بس.... چا څه ښكلي خبره كړي ده:
عَاشِقَاں رَا چِہْ کار بَا تَحْقِیْق ہَر کُجَا نَامِ اُوْسْتْ قُرْبَانَیْم
ترجمه: د عاشقانو د تحقيق سره څه كار دے؟ چرته چې د محبوب نوم راشي، نو پرې قربانيږي.
چې الله پاك او د هغه نبـي اوفرمائيل نو بيا تحقيق كول، سوالات كول د بنده كار نه دے، خير! بنـي اسرائيلو د حكم په اوريدلو سوالونه شروع كړل: چې د هغه غوا عمر څومره پكار دے؟ حكم اوشو: چې نه بوډئ وي او نه ځوانه، بلكه د دې په مينځ كښې چې وي، بنـي اسرائيلو بيا تپوس اوكړو: رنګ به ئې څنګه وي؟ حكم اوشو: چې رنګ ئې زيړوی ، اوَّل چې ورته کوم حكم ملاو شوے وو، كه هر څنګه غوا ئې قربان كړے وے نو په حكم به عمل شوے وے، خو هغوئي تپوسونه شروع كړل، څنګه څنګه چې تپوسونه كيدل، دغه شان ورسره قيدونه لګيدل، بيا هغوئي تپوس اوكړو چي: د غوا مُعامله مكمله واضحه نه شوه، اے موسٰى عَلَيْهِ السَّلام! دُعا اوكړئ چې زمونږ د پاره د غوا مُعامَله پورا واضحه شي.