Book Name:Khof-e-Khuda Hasil Karnay Kay Tariqay
مدد ولے نه وو كړے نو زه به څه جواب وركووم؟ دا ئې اُووئيل او د ركشے نه ئې ټول سامان كوز كړلو. ([1])
اے عاشِقانِ رسول! غور اوكړئ! حُضُور مُفتـئ اعظم هند رَحْمَةُ اللهِ عَلَيْه خوفِ خُدا والا وو، هغوئي د قيامت په ورځ د الله پاک په بارګاه کښې دحاضريدلو ويره لرله، هغوئي د يو درد مند مسلمان د خيرخواهئ د پاره د ريل ګاډي تلل برداشت كړل خو د هغه د زړه ساتلو نه بغير ئې تلل منظور نه كړل. اوس غور اوكړئ! د مسلمانانو ورونړو د خير خواهئ دا جذبه كه مونږ ته هم نصيب شي نو زمونږه مُعاشره به څنګه ښكلي او ښائسته شي، جنګ جګړې به ختمې شي، د ردو بدو تَصَوُّر به پاتې نه شي، حَسَد، بُغض و كينه وغيره دا ټولې باطني بيمارئ به د مُعاشرے نه ختمې شي. او دا به څنګه كيږي؟ د خوفِ خُدا په ذريعه.
معلومه شوه چې يوه مُعاشره مَثالي مُعاشره جوړولو د پاره اهم او بنيادي څيزونه: د حق تلفئ نه بچ كيدل او خيرخواهي كول دي، دا دواړه د خوفِ خُدا په ذريعه ډير ښه حاصليږي، لِهٰذا په مُعاشره كښې بدلون راوستلو او مثالي معاشره جوړولو د پاره خوفِ خُدا ډىر لازم او ضروري دي. الله پاك دِ مونږ ټولو ته د خوفِ خُدا نِعمَت رانصيب كړي. اٰمِین بِجَاہِ النَّبِیِّ الْاَمِیْن صَلَّى اللهُ عَلَيْهِ وَاٰلِهٖ وَسَلَّم
صَـــلُّـــوْا عَـــلَـی الْــحَـــبِــيْــب! صَـلَّـی اللهُ تَعالٰـی عَلـٰی مُـحَـمَّد
خوږو او محترمو اسلامي ورونړو! راځئ چې په يو بل انداز کښې د خوفِ خُدا په اَهَمِّيَّت باندې د پوهيدلو كوشش اوکړو. اَلْـحَـمْـدُ لِلّٰـہ! مونږه انسانان يُو او الله پاك