Book Name:Milad Mananay Walo Kay Waqiyat
عِیدِ مِیلادُ النّبی تو عِید کی بھی عِید ہے
بالیقیں ہے عِیدِ عِیداں عیدِ مِیلادُ النّبی
(وسائلِ بخشش مُرمّم،ص380)
اے عاشِقانِ رسول! د جشنِ ولادت مناوهلو مختلفو طريقو خپلولو سره سره د 12 ربيعُ الاوَّل او خاص طور د هر ګل شريف د روژے نيولو كوشش اوكړئ ځکه چې خوږ آقا صَلَّى اللهُ عَلَيْهِ وَاٰلِهٖ وَسَلَّم به د هر ګل شريف په ورځ د روژه نيولو په ذريعه د خپل پيدائش ورځ مناوهله، چنانچه
د حضرت ابُو قتاده رَضِیَ الله عَنْهُ نه روايت دے چې يوه ورځ د سركارِ مدينه صَلَّى اللهُ عَلَيْهِ وَاٰلِهٖ وَسَلَّم نه د ګل د ورځې د روژے (نيولو) مُتَعَلِّق تپوس اوكړے شو نو خوږ آقا صَلَّى اللهُ عَلَيْهِ وَاٰلِهٖ وَسَلَّم ارشاد اوفرمائيلو: په دې ورځ زه پيدا شوے يم، او هم په دې ورځ په ما باندې قرآن نازل شوے دے (يعنې په دې ورځ وړومبئ وحي راغلي ده). (مشکاۃالمصابیح،کتاب الصوم،باب صیام التطوع ، ۱/۵۶۳، حدیث ۲۰۴۵)
يو بل روايت واورئ چې په هغې كښې سركارِ مدينه صَلَّى اللهُ عَلَيْهِ وَاٰلِهٖ وَسَلَّم د خپل ولادت ذِكر كړے دے، صحابۀ كرامو عَلَيْهِمُ الرِّضْوان ته ارشاد فرمائي: زه اوس تاسو ته ښائم چې زما ابتداء څه ده؟ د حضرت ابراهيم عَلَيْهِ السَّلام دُعا، د حضرت عيسٰى عَلَيْهِ السَّلام زيرے او زما د مور رَضِیَ الله عَنْها خوب كوم چې هغوئي زما د پيدائش په وخت ليدلے وو، زما د پيدائش په وخت يو نُور زما د مور محترمې د پاره ښكاره شو، چې په هغې كښې د مُلكِ شام مُحلات هغوئي ته ښكاره شو. (ماثَبَتَ بالسنۃ،ذکر شھر ربیع الاول ،ص۱۳۷ )