اور چلتی ہی چلی جاتی ہے ، زبان سے شکوے نکلیں ، گالیاں نکلیں ، کلماتِ کفر نکلیں ، کوئی خبر ہی نہیں ہوتی۔ اللہ پاک ہم سب کے ایمان کی حفاظت فرمائے۔

ایماں پہ رَبِّ رحمت دیدے تُو استقامت          دیتا ہوں واسطہ میں تجھ کو ترے نبی کا^([1])

 اے عاشقانِ رسول ! اِیْمان کی حفاظت کا ذہن پانے اور کفریہ کلمات کے بارے میں تفصیلی معلومات کے لئے شیخ طریقت ، امیر اہلسنت دَامَتْ بَرَکَاتُہُمُ الْعَالِیَہ کی بہترین کتاب “ کفریہ کلمات کے بارے میں سُوال جواب “ مکتبۃ المدینہ سے طلب کیجئے ، گھر رکھئے اور اسے پڑھئے! اِنْ شَآءَ اللہُ الْکَرِیْم! عِلْمِ دِین کا انمول خزانہ ہاتھ آئے گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد   

پیارے اسلامی بھائیو!  اگر ہم اللہ پاک کے پاکیزہ نام  اَلْحَکِیْمُ  کو سمجھ لیں ، اس کے معنی و مفہوم کو دِل میں بٹھا لیں ، اس میں غور و فِکْر کرتے رہیں تو اِنْ شَآءَ اللہُ الْکَرِیْم! اس کی برکت سے اللہ پاک پر اعتراض کرنے سے بچ جائیں گے ، جب ذِہن ہی یہ بنا ہو گا کہ اللہ پاک جو کرتا ہے ، اس میں ہزارہا حکمتیں ہی ہوتی ہیں تو ظاہِر ہے پھر آدمی اعتراض کیوں کرے گا۔ اسی طرح اگر ہم اللہ پاک کے پاکیزہ نام اَلْحَکِیْمُ  کو سمجھ لیں ، اسے دِل میں بٹھا لیں اور اس پر کامِل یقین کے ساتھ غور و فِکْر کرتے رہیں تو ہماری زندگی کے بہت سارے مسائل حل ہو سکتے ہیں۔  مثلاً * اِسْمِ پاک اَلْحَکِیْمُ  کی معرفت کی برکت سے صبر کرنا آسان ہو گا ، کوئی پریشانی آئے ، مصیبت آئے ، دُکھ ، دَرْد ، غم ، بیماری ، قرض داری ، تنگدستی آئے تَو ذہن بنا لیجئے! اللہ پاک حکیم ہے ، ضرور اس پریشانی ، مصیبت غم وغیرہ میں