صحابۂ کرام عَلَیْہِمُ الرِّضْوَان کو بھی اس کی عادَت تھی پھر اللہ پاک نے شراب کو حرام قرار دے دیا ، ارشاد ہوا :

یٰۤاَیُّهَا الَّذِیْنَ اٰمَنُوْۤا اِنَّمَا الْخَمْرُ وَ الْمَیْسِرُ وَ الْاَنْصَابُ وَ الْاَزْلَامُ رِجْسٌ مِّنْ عَمَلِ الشَّیْطٰنِ فَاجْتَنِبُوْهُ لَعَلَّكُمْ تُفْلِحُوْنَ(۹۰)  (پارہ : 7 ، سورۂ مائدہ : 90)                                                                                                                                        

ترجمہ : اے ایمان والو! شراب اور جُوا اَور بُت اور قسمت معلوم کرنے کے تِیر ناپاک شیطانی کام ہی ہیں تَو ان سے بچتے رہو تاکہ تُم فلاح پاؤ!

ایک روز چند صحابۂ کرام عَلَیْہِمُ الرِّضْوَان حضرت ابوطلحہ اَنصاری رَضِیَ اللہُ عَنْہُ کے گھر میں جمع تھے اور شراب کے جام چَل رہے تھے ، حضرت انس بن مالِک رَضِیَ اللہُ عَنْہُ فرماتے ہیں : میں شراب کے جام بھر بھر کر پیش کر رہا تھا ، اتنے میں گلی میں ایک آواز گونجی : لوگو! بے شک شراب حرام کر دی گئی ہے۔ حضرت انس بن مالِک رَضِیَ اللّٰہُ عَنْہُ فرماتے ہیں :  بَس یہ آواز سُننے کی دَیْر تھی ، صحابۂ کرام عَلَیْہِمُ الرِّضْوَان نے مجھے فرمایا : اے اَنس! اس شراب کو بہا دو!!^([1])

اللہُ اَکْبَر! اے عاشقانِ رسول! غور فرمائیے! کیا خوبصُورت انداز ہے؟ کیسی کمال اِطَاعت ہے۔ شراب پینے کی عادَت تھی ، شراب پی رہے تھے ، گلی میں صِرْف اِعْلان ہوا ،    ایسی صُورت میں آدمی خبر کی تَصْدِیق کرتا ہے ، دیکھتا ہے کہ یہ اِعْلان کرنے والا سچ بھی کہہ رہا ہے یا نہیں ، بعض دفعہ زبان سے تعجب کے کچھ الفاظ نکل جاتے ہیں ، ایسی خبر سُن کر آدمی چونک جاتا ہے کہ “ ہاں! یہ کب کا واقعہ ہے “  یہ کیسے ہو سکتا ہے؟ مگر قربان جائیے! حضرت انس رَضِیَ اللہُ عَنْہُ فرماتے ہیں : بَس گلی میں اِعْلان ہوا ، صحابۂ کرام عَلَیْہِمُ الرِّضْوَان نے یہ بھی نہیں کہا کہ یہ کب کا واقعہ ہے ، اس بات کا انتظار بھی نہیں کیا کہ  “ خبر کی تَصْدِیق ہو