Book Name:Zawal Kay Asbab
12 دینی کاموں میں سے ایک دینی کام : مدنی قافلہ
پیارے اسلامی بھائیو ! الحمد للہ ! عاشقانِ رسول کی دینی تحریک دعوتِ اسلامی بھی جشنِ آزادی مناتی ہے مگر دعوتِ اسلامی کا انداز نِرالا ہے ، الحمد للہ ! جشنِ آزادی کے موقع پر مدنی قافلے سَفَر کرتے ہیں ، ہزاروں عاشقانِ رسول مدنی قافلوں میں سَفَر کر کے شہر شہر ، گاؤں گاؤں جا کر نیکی کی دعوت دیتے ہیں اور برائی سے منع کرتے ہیں ، خود بھی نمازیں پڑھتے ہیں ، دوسروں کو بھی نمازوں کی دعوت دے کر مسجد میں لانے کی کوشش کرتے ہیں ، قرآنِ کریم کا ، سُنّتوں کا فیضان عام کرتے ہیں ، عشق رسول کی شمع دِلوں میں روشن کرنے کی کوشش کی جاتی ہے ، یُوں عاشقانِ رسول دین سیکھ کر ، دوسروں کو سکھا کر حقیقی غُلامانِ مصطفےٰ بننے کی کوشش کرتے اور دوسروں کو بھی اسی راہ کا مُسَافِر بناتے ہیں۔
اے عاشقانِ رسول ! 14 اگست کو سرکاری چھٹی ہوتی ہے ، اس سال تو ویسے بھی 14 اگست اِتوارکوہے ، آپ بھی ذہن بنائیے ، ہمت کیجئے ، 14,13,12اگست2022ء ( جمعہ ، ہفتہ ، اتوار ) 3 دن مدنی قافلے میں سفرکی سَعادت نصیب ہو جائے ، حقیقی غُلامِ رسول بننے کے لئے ، تحریکِ آزادی میں شہید ہونے والے عاشقانِ رسول کے اِیصالِ ثواب کے لئے مدنی قافلوں میں سَفَر کیجئے اور آزادی کی نعمت کا شکر ادا کیجئے۔
فیصل آباد ( پنجاب ، پاکستان ) کے ایک اسلامی بھائی کے بیان کا خُلاصہ ہے : دعوتِ اسلامی کے دینی ماحول میں آنے سے پہلے میں بگڑے ہوئے کردار کا مالک تھا۔جھوٹ ، غیبت ، چغلی ،