ہے ؟ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم نے فرمایا : ہاں !  یہ اللہ  پاک کا کلام ہے۔

حُیَیْ بِنْ اَخْطَبْ عِلْمُ الاَعْدَاد  کا ماہر تھا ، چنانچہ اس نے گنتی شروع کر دی : اَلِفْ کا ایک عدد ہے ، لَامْ کے : 30۔ مِیْمکے : 40۔30+40+1 ، کل 71 ہو گئے۔ یُوں حساب لگا کر بولا : اس کامطلب یہ بنا کہ آپ  کی اُمّت  71 سال   دنیا میں رہے گی۔ لہٰذا جو دِین صرف 71 سال رہنا ہے  میں اُس دین میں   کیوں داخِل ہو جاؤں ؟

حُیَیْ بِنْ اَخْطَبْ کی یہ بےپَر کی بات سُن کر رسولِ رحمت ، شفیعِ اُمّت صَلَّی اللہ عَلَیْہِ وَ آلِہٖ وَ سَلَّم نے ایک دوسرے مقام سے حروفِ مُقَطَّعَات پڑھے ،  فرمایا : آلمّٓصٓ ۔ حُیَیْ بِنْ اَخْطَبْ نے دوبارہ گنتی شروع کی :  اَلِفْ کا  1  عدد ہے ،  لَامکے : 30 ،   مِیْم کے :  40 ،   صَادّکے : 90۔   30 + 90 ، 120 ہو گئے ، 120+40=160 ، 160 اور 1 ، 161۔ کہنے لگا : اس کا مطلب کہ آپ کا دین  دنیا میں 161 سال رہے گا۔ پیارے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے ایک اور مقام سے حروفِ مُقَطَّعَاتپڑھے ، فرمایا : الٓرٰ  ۔

حُیَیْ بِنْ اَخْطَبْ بولا : یہ تو پہلے سے بھی زیادہ ہو گئے ، اَلِفْ کاعدد : 1۔ لَامکے : 30 ، رَاء کے : 200۔ یہ کُل ملا کر : 231 ہوئے ، یعنی آپ کا دِین 231 سال دُنیا میں رہے گا ، رسولِ رحمت ، شفیعِ اُمّت صَلَّی اللہ عَلَیْہِ وَ آلِہٖ وَ سَلَّم نے ایک اور مقام سے پڑھا : الٓمّٓرٰ۔ حُیَیْ بِنْ اَخْطَبْ نے پھر گنتی شروع کی؛ اَلِفْ کا عدد : 1 ، لَامکے : 30 ، مِیْمکے : 40 ، رَاءکے : 200۔  200+30+40+1 ، یہ کل : 271  ہو گئے۔ یُوں پیارے آقا ، رسولِ خُدا صَلَّی اللہ عَلَیْہِ وَ آلِہٖ وَ سَلَّم حروفِ مُقَطَّعَات پڑھتے گئے ، حُیَیْ بِنْ اَخْطَبْ عِلْمُ الْاَعْداد کے مطابق گنتی کرتا گیا ، آخر اس نے جھنجھلا کر کہا : اے مُحَمَّد  ( صَلَّی اللہ عَلَیْہِ وَ آلِہٖ وَ سَلَّم )  جانے دیجئے !  میں اِس راز کو نہیں سمجھ سکتا۔ ^{( [1] )}