نسیمِ طیبہ سے کہہ دو دلِ مضطرکو جھونکا دے

بنے شامِ اَلَم ،  صبحِ بہاراں یارسولَ اللہ

سفینے کے پَرَخْچے اڑچکے ہیں زورِ طوفاں سے

سنبھالو ! میں بھی ڈوبا اے میری جاں یارسولَ اللہ

اے عاشقانِ رسول ! یہ مزاجِ عشقِ رسول ہے جو صحابۂ کرام علیہم ُالرِّضْوَان کے فیضان سے امیرِ اہلسنت دَامَت برکاتہم العالیہ کو نصیب ہوا ہے ، اللہ پاک سے دُعا ہے کہ اللہ پاک ہمیں بھی عشقِ رسول کے لازوال دولت نصیب فرمائے ، کاش ! ہمیں بھی پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے ساتھ ایسی گہری وابستگی نصیب ہو کہ خوشی ہو ، غم ہو ، چاہے کیسا ہی موسم ہو ، کیسی ہی کیفیت ہو ، کیسی ہی حالت ہو ، ہر وقت ، ہر حال میں ہماری تَوَجُّہ اپنے محبوب آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی طرف ہی لگی رہے ، ہم سنتیں بھی اپنائیں ، پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی کمال اطاعت و فرمانبردای بھی کریں ، سوتے جاگتے ، اٹھتے بیٹھتے بس دِل یادِ مصطفےٰ میں کھویا رہے ، لب پر ذِکْرِ مصطفےٰ جاری رہا کرے ، کاش ! کاش ! کاش ! امیر ِاہلسنت کے صدقے میں صحابۂ کرام علیہم ُالرِّضْوَان کے مزاجِ عشق ِ رسول کا فیضان ملے ، کاش ! یادِ مدینہ میں ، یادِ مصطفےٰ میں تڑپنے والا دِل ، رونے والی آنکھیں نصیب ہو جائیں۔

پیچھا مرا دُنیا کی محبّت سے چُھڑا دے                                         یارَبّ مجھے دیوانہ مدینے کا بنا دے

دِل عشقِ مُحَمَّد میں تڑپتا رہے ہر دَم                                 سینے کو مدینہ مرے اللہ بنا دے

ایمان پہ دے موت مدینے کی گلی میں                             مدفن مرا محبوب کے قدموں میں بنا دے

آخر میں آئیے ! امیرِ اہلسنت کی زبانی دِل میں عشقِ رسول بڑھانے کا طریقہ سنتے ہیں :