Book Name:Nazool e Quran Ka Aik Maqsid
دھڑک رہا تھا ، مالِک جنّت ، قاسِمِ نعمت صَلَّی اللہ عَلَیْہِ وَ آلِہٖ وَ سَلَّم نے فرمایا : یَا فَتٰی ! قُلْ لَا اِلٰہَ اِلَّا اللہ یعنی اے نوجوان ! کہو : لَا اِلٰہَ اِلَّا اللہ۔اس نوجوان نے کلمہ طیبہ پڑھا۔اس پر آپ صَلَّی اللہ عَلَیْہِ وَ آلِہٖ وَ سَلَّم نے اسے جنّت کی خوشخبری سُنائی ، پھر فرمایا : اے میرے صحابہ ! کیا تم نے اللہ پاک کا یہ فرمان نہیں سُنا : ( [1] )
ذٰلِكَ لِمَنْ خَافَ مَقَامِیْ وَ خَافَ وَعِیْدِ(۱۴) ( پارہ : 13 ، سورۂ ابراہیم : 14 )
ترجمہ کَنْزُ الایمان : یہ ( جنّت ) اس کے لیے ہے جو میرے حضور کھڑے ہونے سے ڈرے اور میں نے جو عذاب کا حکم سنایا ہے اس سے خوف کرے۔
اللہ ! اللہ ! اے عاشقانِ رسول ! غور فرمائیے ! کیا شان ہے صحابۂ کرام علیہم الرِّضْوَان کی ، یہ جب قرآنِ کریم پڑھتے یا سنتے تھے تو ان پر خوفِ خُدا غالِب آ جاتا تھا ، یہ اللہ پاک کی بارگاہ میں پیشی کے خوف سے تھر تھرایا کرتے تھے اور پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا اندازِ کرم دیکھئے ! اس نوجوان صحابئ رسول پر خوفِ خُدا کے غلبے کے سبب غشی طاری ہوئی تو آپ صَلَّی اللہ عَلَیْہِ وَ آلِہٖ وَ سَلَّم نے اسے جنّت کی خوشخبری سے نواز دیا۔سُبْحٰنَ اللہ !
ہر صحابئ نبی ! جنّتی ! جنّتی ! سب صحابیات بھی ! جنّتی ! جنّتی !
چار یارانِ نبی ! جنّتی ! جنّتی ! حضرتِ صدّیق بھی ! جنّتی ! جنّتی !
اور عُمرِ فاروق بھی ! جنّتی ! جنّتی ! عُثمانِ غنی ! جنّتی ! جنّتی !
فاطِمہ اور علی ! جنّتی ! جنّتی ! ہیں حَسَن حُسین بھی ! جنّتی ! جنّتی !
والِدِینِ نبی ! جنّتی ! جنّتی ! ہر زوجۂ نبی ! جنّتی ! جنّتی !