ہیں کہ قیامت کا ہوشربا منظر ہے ، آپ اپنی قبر سے نکلے ، ساتھ ہی ایک بڑا اژدھا بھی آپ کی قبر سے نکلا اور آپ کا پیچھا کرنے لگا ، آپ اس سے ڈر کر دوڑنے لگے ، وہ اژدھا بھی آپکے پیچھے تیز رینگنے لگا ، آپ دوڑتے دوڑتے ايک کمزور سے بوڑھے کے قريب سے گزرے ، آپ نے اسے پُکارا کہ مجھے اس اژدھے سے بچاؤ ! مگر اس بوڑھے نے جواب دیا : میں کمزور ہوں ، میں تمہیں اس سے نہیں بچا سکتا۔حضرت مالِک بن دینار دوڑتے دوڑتے ایک پہاڑ پر چڑھ گئے ، اس پر شاميانے اور سائبان لگے ہوئے تھے ، اچانک ايک آواز آئی : اس نااميد کو دشمن کے نرغے میں جانے سے پہلے ہی گھير لو ! تو بہت سے بچوں نے انہيں گھیر لیاجن میں آپ کی وہ بيٹی بھی تھی ، وہ آپ کے پاس آئی ، اس نے اژدھا کو مارا تو وہ بھاگ گيا اور پھر وہ آپ کی گود میں بیٹھ گئی ، اس نے آپ کو بتایا کہ بابا جان ! وہ اژدھا اَصْل میں آپ کے بُرے اَعْمال تھے اور وہ بوڑھا جس کے قریب سے آپ گزرے ، وہ آپ کا اچھا عمل تھا ، آپ نے بُرے اعمال کے ذریعے اسے اتنا کمزور کر دیا کہ اس میں آپ کے بُرے اعمال کا مقابلہ کرنے کی طاقت ہی نہیں رہی ، لہٰذا آپ اللہ پاک کی بارگاہ میں توبہ کریں اور خود کو ہلاکت سے بچانے کی کوشش کریں۔

یہ خواب دیکھنے کے بعد حضرت مالِک بن دینار رَحمۃُ اللہ علیہ نیند سے بیدار ہوئے تو آپ نے سچّی پکّی توبہ کی اور نیک اَعْمَال شروع کر دئیے ، یہاں تک کہ اللہ پاک نے آپ کو وِلایت کے بلند ترین مقام پر پہنچا دیا۔ ^{( [1] )}  

اللہ اکبر ! اے عاشقانِ رسول ! دیکھا آپ نے لمحے بھر کا خوفِ قیامت؛جو ایک خواب