جس مؤمن کی آنکھوں سے خوفِ خُدا کے سبب آنسو نکلتے ہیں اگرچہ مکھی کے سَر کے برابر ہوں، پھر وہ آنسو اس کے چہرے  (Face)کے ظاہِری حصّے کو پہنچیں تو اللہ پاک اسے جہنّم پر حرام کر دیتا ہے۔^([1])

جی چاہتا ہے پھوٹ کے روؤُں ترے ڈر سے    اللہ مگر دِل سے قَسَاوت نہیں جاتی

* رسولِ خُدا، احمدِ مجتبیٰ صَلَّی اللہُ عَلَیْہِ وَ آلِہٖ وَ سَلَّم نے فرمایا:  اللہ پاک کے کچھ فرشتے ایسے ہیں جن کے پہلو خوفِ خُدا کے سبب لرزتے رہتے ہیں، ان کی آنکھ سے گرنے والے ہر آنسو کے قطرے سے ایک فرشتہ پیدا ہوتا ہے، جو کھڑے ہو کر اپنے رَبّ کی پاکی بیان کرنا شروع کر دیتا ہے۔^([2])

ترے خوف سے تیرے ڈر سے ہمیشہ       میں        تھر           تھر         رہوں         کانپتا         یا   الٰہی!^([3])

* رحمتِ دو جہان، مکی مدنی سلطان صَلَّی اللہُ عَلَیْہِ وَ آلِہٖ وَ سَلَّم نے فرمایا: خوفِ خُدا سے رونے والا ہر گز جہنّم میں داخِل نہیں ہو گا، حتی کہ دُودھ تھن(Udder) میں واپس آجائے۔^([4])  

مشہور مفسرِقرآن حضرتِ مفتی احمد یار خان رَحمۃُ اللہِ عَلَیْہاِس حدیثِ پاک کی شرح میں فرماتے ہیں:یعنی جیسے دوہے ہوئے دودھ کا تھن میں واپس ہونا ناممکن (Impossible)ہے ایسے ہی خوفِ خُدا سے رونے والے کا دوزخ میں جانا بھی ناممکن ہے۔^([5])  

قلبِ مُضطَر کی لاج رکھ مولیٰ            یہ          صدا           میری          چشمِ          نَم           کی          ہے  ^([6])