تھی، اس لئے مجھے یہاں کچھ نہیں ملا،  قِیامت میں بھی یہی حال ہو گا، جس نے جو کچھ آگے بھیجا ہو گا، اسے وہی کچھ ملے گا۔^([1])

ہائے حُسنِ عمل نہیں پلّے                                                                                      حَشْر میں میرا ہو گا کیا یَارَبّ!

گرمئ حَشْر، پیاس کی شِدَّت                                                                                     جامِ کوثَر مجھے پِلا یارَبّ!

خوف دوزخ کا آہ! رحمت ہو                                                                         خاکِ طیبہ کا واسطہ یارَبّ!

کر دے جنّت میں تُو جَوار اُن کا                                                                   اپنے  عطّار  کو  عطا  یارَبّ!^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پیارے اسلامی بھائیو! واقعی عبرت کی بات ہے، اگر ہم اپنا سب کچھ دُنیا بنانے کے لئے ہی خرچ کرتے رہے، آخرت کے لئے کچھ بھی آگے نہ بھیجا تو دُنیا تو عنقریب ختم ہو جائے گی، ہم بھی فنا ہو جائیں گے، پِھر آخرت میں ہمارا کچھ نہیں ہو گا، تب ہم کیا کریں گے؟ پِھر بس حسرت سے یہی پُکاریں گے:

یٰلَیْتَنِیْ قَدَّمْتُ لِحَیَاتِیْۚ(۲۴) (پارہ:30 ،اَلْفَجْر:24)

تَرجَمہ کَنْزُ الْعِرْفان:اے کاش کہ میں  نے اپنی زندگی میں  (کوئی نیکی) آگے بھیجی ہوتی۔

اس لئے ابھی وقت ہے، ہم ابھی زِندہ ہیں، ہم اس خوبصُورت نصیحت کو قبول کر لیں:

وَ ابْتَغِ فِیْمَاۤ اٰتٰىكَ اللّٰهُ الدَّارَ الْاٰخِرَةَ (پارہ:20، اَلْقَصَص:76)

تَرجَمہ کَنْزُ الْعِرْفان: اور جو مال تجھے الله نے دیا ہے اس کے ذریعے آخرت کا گھر طلب کر۔

کاش! ہم آخرت کے طلب گار بن جائیں، اللہ پاک نے ہمیں جو کچھ عطا فرمایا ہے،