دبدبے والا بادشاہ تھا، جب اس کی موت کا وقت آیا تو اس نے اپنا کفن منگوایا اور اسے اُلٹ پلٹ کر کے بار بار دیکھنے لگا، پِھر یہ آیت پڑھی:

مَاۤ اَغْنٰى عَنِّیْ مَالِیَهْۚ(۲۸) هَلَكَ عَنِّیْ سُلْطٰنِیَهْۚ(۲۹) (پارہ:29، اَلْحَاقَّۃ:28، 29)

تَرجَمہ کَنْزُ الْعِرْفان:میرا مال میرے کچھ کام نہ آیا۔میرا سب زور جاتا رہا۔

*خلیفہ مُعْتَصِم بہت ظالِم اور سخت دِل بادشاہ تھا، جب اس کا آخری وقت آیا تو یہ اپنے بستر پر لیٹا تڑپتا تھا اور بار بار کہتا تھا: لَوْ عَلِمْتُ اَنَّ عُمْرِی ھَکَذَا قَصِیْرٌ مَا فَعَلْتُ  یعنی اگر مجھے معلوم ہوتا کہ میری عمر اتنی کم ہے تو میں بادشاہی نہ کرتا۔ ^([1])  

اے عاشقانِ رسول! غور فرمائیے!یہ بادشاہوں کے عبرتناک جملے ہیں، وہ بادشاہ جنہوں نے زندگی عیش و عشرت میں گزاری، خزانوں کے اَنْبار اِن کے اِختیار میں رہے، خَادِموں اور کنیزوں کی ان کے ہاں کوئی کمی نہیں تھی مگر جب دُنیا سے گئے تو کیا لے کر گئے...؟ صِرْف ایک کفن...!! اور کچھ بھی نہیں۔ لہٰذا یہ مقامِ عبرت ہے، ہمیں بھی چاہئے کہ دُنیا بنانے کی فِکْر چھوڑیں اور جو کچھ اللہ پاک نے عطا فرمایا ہے، اس کے ذریعے آخرت کی طلب میں لگ جائیں۔

بے وفا دنیا پہ مت کر اِعتبار                                                                               تُو اچانک موت کا ہوگا شکار

موت آکر ہی رہے گی یاد رکھ!                                                                     جان جا کر ہی رہے گی یاد رکھ!

موت آئی پہلواں بھی چل دیئے                                                        خوبصورت نوجواں بھی چل دیئے

تیری طاقت تیرا فن عُہدہ تِرا                                                                           کچھ نہ کام آئے گا سرمایہ ترا