* دُنیا بھر میں دِین کا پیغام عام کرنے کیلئے لاکھوں عاشقانِ رسول مدنی قافلے کی صُورت میں مُلْک مُلْک ، شہر شہر ، گاؤں گاؤں جا تے اور نیکی کی دعوت عام کرتے ہیں * مدنی قافلوں کی برکت سے کئی کافِر کلمہ پڑھ کر مسلمان ہو چکے ہیں * لاکھوں کی زِندگی میں نیکیوں کی بہار آئی ہے * الحمد للہ ! 3 دِن ، 12 دِن ، 1 ماہ اور 12 ماہ کے قافلے سَفَر کرتے رہتے ہیں۔آپ بھی مدنی قافلے میں سَفَر کیا کیجئے ! ان شاء اللہ الْکَرِیْم ! بہت برکتیں ملیں گی * مدنی قافلے میں فرض عِلْمِ دِین سکھایا جاتا ہے * سنتیں سکھائی جاتی ہیں * تہجد پڑھنے کی سعادت ملتی ہے * نیکی کی دعوت عام کرنے کا موقع ملتا ہے * قافلے کی برکت سے دُعائیں پُوری ہونے * مشکلات ٹلنے * بیماریوں سے شِفا ملنے کے بھی سینکڑوں واقعات ہیں * ایسا بھی ہوا کہ مدنی قافلے میں سَفَر کرنے والے عاشقانِ رسول کی حوصلہ افزائی کیلئے پیارے آقا ، مکی مَدَنی مصطفےٰ صَلَّی اللہ عَلَیْہِ وَ آلِہٖ وَسَلَّم نے کرم فرمایا ، خواب میں تشریف لائے اور شرکائے قافلہ کو دیدار کا جام پلا دیا۔ ہم مدنی قافلے میں سَفَر کریں ، کیا معلوم ہم پر بھی کرم ہو جائے۔

آؤ مَدَنی قافِلے میں ہم کریں مل کر سفر

سنّتیں سیکھیں گے اس میں ان شاء اللہ سر بسر

تیس تیس اور بارہ بارہ دن کے مدنی قافِلے

میں سفر کرتے رہو جب بھی تمہیں موقع ملے

مجھ کو جذبہ دے سفر کرتا رہوں پروَردگار

سُنّتوں     کی      تربیت      کے     قافلے      میں     بار   بار ^{( [1] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد