وغیرہ تو اتنے اَمِیْر ہیں، ان کے پاس تو اتنا ساز و سامان ہے۔ تو یاد رکھئے! دُنیا کا سامان زیادہ ہونے سے کوئی فرق نہیں پڑتا، اَصْل اس میں 2چیزیں ہیں: (1):دِل میں دُنیا کی حِرْص نہ ہو، بندہ  ھَلْ مِنْ مَزِیْد (یعنی اَور ملے، اَور ملے) کی سوچ نہ رکھتا ہو (2):اور دوسری چیز ہے: جو کچھ اللہ پاک نے عطا فرمایا ہے، بندہ اس میں مَشْغُول نہ ہو جائے، اللہ پاک کے عطا کئے ہوئے مال کو اللہ پاک کی راہ میں، آخرت کے لئے استعمال کرے۔ اگر یہ 2 چیزیں نصیب ہو جائیں تو دُنیا کا مال کم یا زیادہ ہونے سے کوئی فرق نہیں پڑتا۔جیسے مسلمانوں کے تیسرے خلیفہ حضرت عثمانِ غنی رَضِیَ اللہُ عنہ بہت مالدار صحابی تھے اور آپ کی شان یہ ہے کہ عَشَرَہ مُبَشَّرَہ میں سے ہیں، یعنی مالِکِ جنّت، قاسِمِ نعمت صَلَّی اللہُ عَلَیْہِ وَ آلِہٖ وَ سَلَّمآپ کو دُنیا ہی میں جنّت کی خوشخبری سُنائی۔ یعنی آپ اتنے مالدار ہونے کے باوُجُود جنّتی ہیں۔ کیوں...؟ اس لئے کہ مالدار ہونا جنّت سے مَحرومی کاسبب نہیں ہے، اس کا سبب ہے: حِرْص، دُنیا کی محبّت، مالِ دُنیا میں مَصْرُوف ہو کر آخرت سے غافِل ہو جانا۔ بس اسی سے ہم نے بچنا ہے۔ آئیے! اللہ پاک کی بارگاہ میں دُعا کرتے ہیں:

حُبِّ دُنیا سے تُو بچا یاربّ!                                                                                عاشقِ مُصطَفٰے بنا یاربّ!

کاش لب پر مِرے رہے جاری                                                   ذِکْر آٹھوں پَہَر ترا یاربّ!

چشمِ تَر اور قلبِ مُضْطَر دے                                                                         اپنی اُلفت کی مَے پِلا یاربّ!

نورِ احمد سے قبر روشن ہو                                                                                           وَحشَتِ قبر سے بچا یاربّ!

طالِبِ مغفِرت ہوں یااللہ!                                                                           بخش حیدر کا واسطہ یاربّ!^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد