Namaz e Fajar ke Fazail

مدنی رسائل کے مطالعہ کی دھوم

اکتوبر2023ء / ربیع الاول 1444ھ

شیخ ِ طریقت ، امیرِ اہلِ سنّت حضرت علّامہ محمد الیاس عطّاؔر قادری دامت بَرَکَاتُہمُ العالیہ نے ماہِ ذُوالْقَعدہ و ذُوالحِجہ1444ھ میں درج ذیل مَدَنی رَسائل پڑھنے / سننے کی ترغیب دلائی اور  پڑھنے / سننے والوں کو دُعاؤں سے نوازا :  ( 1 ) یاربَّ الْمصطفےٰ ! جو کوئی 17صَفحات کا رِسالہ ”نمازِ فجر کے فضائل“ پڑھ یا سُن لے اُسے ہمیشہ نمازِ فجر باجماعت پڑھنے کی توفیق عطا فرما اور اُسے بے حساب بخش دے ، اٰمین  ( 2 ) یاربَّ المصطفےٰ ! جو کوئی 21صفحات کا رِسالہ ”ماں باپ کے متعلّق واقِعات“ پڑھ یا سُن لے اُسے اپنے ماں باپ کا فرماں بردار  و خدمت گزار بنا اور اُس کو ماں باپ سمیت جنَّتُ الفِردوس میں بےحساب داخلہ عطا فرما ، اٰمین۔

خلیفۂ امیرِ اہلِ سنّت حضرت مولانا عبیدرضا عطاری مدنی دامت بَرَکَاتُہمُ العالیہ نے ماہِ ذُوالْقَعدہ و ذُوالحِجہ 1444ھ میں درج ذیل مَدَنی رَسائل پڑھنے / سننے کی ترغیب دلائی اور پڑھنے / سننے والوں کو دُعا سے نوازا : ( 3 ) یاربَّ المصطَفےٰ ! جو کوئی16صفحات کا رِسالہ ”امیرِ اہلِ سنّت کے 150ارشادات“ پڑھ یا سُن لے اُسے امیرِ اہلِ سنّت کے صدقے نیکی کی راہ پر چلا اور دین و دنیا کی خوب برکتیں عطا فرما ، اٰمین  ( 4 ) یااللہ پاک ! جو کوئی 17 صفحات کا رِسالہ ”امیرِ اہلِ سنّت کا پہلا حج 1980ء“ پڑھ یا سُن لے اُسے بار بار حج و زیارتِ مدینہ سے نواز کر بِلا حساب و کتاب جنّتُ الفِردوس میں اپنے پیارے پیارے آخری نبی صلَّی اللہ علیہ واٰلہٖ وسلَّم کا پڑوس نصیب فرما۔

اٰمین بِجاہِ خَاتَمِ النَّبِیّٖن  صلَّی اللہ علیہ واٰلہٖ وسلَّم