Huroof Milaiye | حروف ملائیے

حروف ملائیے

ماہنامہ فیضانِ مدینہ فروری 2025

حضرت امام جعفر صادق رحمۃ اللہ علیہ نے فرمایا: جوکوئی شعبانُ المعظم میں روزانہ سات سو مرتبہ دُرودِ پاک پڑھے گا، اللہ کریم کچھ فرشتے مقرَّر فرما دے گا جو اِس دُرودِ پاک کو رسولُ الله صلَّی اللہ علیہ واٰلہٖ وسلَّم کی بارگاہ میں پہنچائیں گے، اس سے رسولُ الله صلَّی اللہ علیہ واٰلہٖ وسلَّم کی رُوحِ مُبارک خوش ہوگی پھر اللہ پاک اُن فرشتوں کو حکم دے گا کہ اِس دُرُود پڑھنے والے کے لئے قیامت تک دُعائے مغفرت کرتے رہو۔ (القول البدیع ، ص395)

پیارے بچو!شعبان اسلامی سال کا آٹھواں مہینا ہے۔ صحابیِ رسول حضرت انس رضی اللہُ عنہ فرماتے ہیں: شعبان کا مہینا آتا تو مسلمان قراٰنِ پاک کی تلاوت میں مشغول ہوجاتے، اپنے مالوں کی زکوٰۃ اداکر دیتے تاکہ کمزوروں اور مسکینوں کو بھی رمضان کے روزوں کی طاقت ملے۔(ماذا فی شعبان ، ص 44) ہمارے بزرگانِ دین اس مبارک مہینے کو عبادت،تلاوت،ذکر و اذکار اور درودِ پاک پڑھنے  میں گزارتے تھے۔ ہمیں بھی چاہئے کہ اس مہینے کو نیکیوں اور بالخصوص درودِ پاک پڑھنے میں گزاریں کہ اس مہینے کو درود کا مہینا بھی کہا گیا ہے۔

پیارے بچّو! آپ نے اوپر سے نیچے، دائیں سے بائیں حروف ملاکر  پانچ الفاظ تلاش کرنے  ہیں جیسے  ٹیبل میں   لفظِ”صادق“ تلاش کر کے بتایا گیا ہے۔ تلاش کئے جانے والے5الفاظ یہ ہیں:(1)شعبان(2)فرشتے (3)درود(4)تلاوت(5)نیکیاں۔