کی ستائیسویں شب ہوتی ہے تو اللہ پاک اپنے محبوبِ کریم صَلَّی اللہُ عَلَیْہِ وَاٰلِہٖ وَسَلَّم کو وہ شَرَف عطا فرماتا ہے کہ نہ کسی کو مِلا نہ ملے۔ ہمارے آقا ، حبیبِ کبریا ، معراج کے دُولہا صَلَّی اللّٰہُ عَلَیْہِ واٰلِہٖ وَسَلَّمَ کو ایک عظیم معجزہ عطا کیاگیا ، تمام فِرشتوں کے سردار حضرت جبریلِ امین عَلَیْہِ السَّلَام آپ کی خدمتِ اقدس میں انتہائی تیز رفتار سُواری بُرّاق لے کر حاضر ہوئے ، فرشتوں نے آپ کودُولہا بنا دیا ، نہایت احترام کے ساتھ بُراق پر سُوا رکیا گیا ، آپ مکّۂ مکرمہ سے بَیْتُ المقدس پہنچے ، سارے نبیوں نے آپ کا اِستقبال کیا ، آپ نے سارے نبیوں کی اِمامت فرمائی ، آسمانوں کی سیرفرمائی اور ان کے عجائبات دیکھے ، ہر آسمان پر مختلف انبیائے کرام عَلَیْہِمُ السَّلَامکو اپنی زِیارت سے نوازا ، پھر سِدْرَۃُ المُنتَہٰی پہنچے اوراُس مقام پر پہنچے کہ جس سے آگے بڑھنے کی کسی کی مجال نہیں ، یہاں تک کہ اُس مقام پرحضرت جبریلِ امین عَلَیْہِ السَّلَامنےبھی آپ سے معذرت کی ، آپ اُس مقام پر پہنچے جہاں عقل کی بھی رسائی نہیں ، عظیمُ الشان انعامات و تجلیات  سے نوازے گئے ، ابتداءً 50 نمازوں کا تحفہ اللہ پاک کی بارگاہ سے عطا ہوا جوکمی کے بعد پانچ نمازوں کی صورت میں ہم پر فرض کیا گیا ، جنّت اور دوزخ کی سیر فرمائی ، اُس رات آپ نے اللہ پاک کا خاص قُرب حاصل کیا اور سر کی آنکھوں سے خالق و مالکِ کائنات  کا دِیدار کیا۔ ^([1])

صَلُّوْا عَلَی الْحَبِیْب!                                               صَلَّی اللّٰہُ عَلٰی مُحَمَّد

سفرِ معراج کیلئے برّاق بھیجنے میں حکمت

               پیارے پیارے اسلامی بھائیو!ابھی ہم نے سنا کہ معراج کی رات