یہ سُود خور ہیں۔ ^([1])

سر کچلے جانے کا عذاب

معراج کی رات آپ ایسے لوگوں کے پاس تشریف لائے جن کے سر پتھروں سے کچلے جا رہے تھے ، ہر بار کچلے جانے کے بعد وہ پہلے کی طرح دُرست ہو جاتے تھے اور (دوبارہ کچل دئیے جاتے) ، اس مُعاملے میں ان سے کوئی سُستی نہ برتی جاتی تھی۔ آپ نے حضرت جبرائیل عَلَیْہِ السَّلَام سے پوچھا : اے جبرائیل! یہ کون لوگ ہیں؟ عرض کی : یہ وہ لوگ ہیں جن کے سر نماز سے بھاری ہوجاتے(یعنی وہ فرض نماز چھوڑ دیتے ) تھے ۔ ^([2])

آگ کی شاخوں سے لٹکے ہوئے لوگ

مِعْراج کی شب نبیِّ کریم صَلَّی اللہُ عَلَیْہِ وَاٰلِہٖ وَسَلَّم نے دوزخ میں کچھ ایسے لوگ بھی دیکھے جو آگ کی شاخوں سے لٹکے ہوئے تھے۔ آپ نے پوچھا : اے جبریل! یہ کون لوگ ہیں؟ عرض کی : یہ وہ لوگ ہیں جو دُنیا میں اپنے والِدَین کو گالیاں دیتے تھے۔ ^([3])

پیارے پیارے اسلامی بھائیو! آپ نے سُنا کہ ہمارے پیارے آقا صَلَّی اللّٰہُ عَلَیْہِ واٰلِہٖ وَسَلَّمَ نے جہنّم میں جن لوگوں کو مبتلائے عذاب دیکھا ان میں غیبت کرنے  والے ، سود کھانے والے ، بے نمازی اور والدین کو گالیاں دینے والے بھی شامل تھے۔ ہمیں چاہیے کہ آج سچے دل سے گناہوں سے توبہ کر لیں ، موت کی تیاری کریں ،