نیکی ہے ، الحمد للہ! * ہمیں خواجہ غریب نواز رَحمۃُ اللہِ عَلَیْہ سے محبت ہے* ہمیں حُضور غوثِ پاک رَحمۃُ اللہِ عَلَیْہ سے محبت ہے* داتا حضور رَحمۃُ اللہِ عَلَیْہ سے محبت ہے* اعلیٰ حضرت امام احمد رضا خان رَحمۃُ اللہِ عَلَیْہ سے محبت ہے* اللہ پاک کے فضل سے ہمیں تمام اولیائے کرام سے اور اپنے پیرومرشد سے بھی محبت ہے اور ظاہِر ہے یہ محبت کس لئے ہے؟ اللہ پاک کی رضا کے لئے ہے ، اس لئے ہے کہ یہ سب اللہ پاک کے نیک بندے ہیں ، اللہ پاک اور اس کےپیارے حبیب صَلَّی اللہُ عَلَیْہِ وَاٰلِہٖ وَسَلَّم  کے فرمانبردار ہیں ، اللہ پاک نے انہیں عزّت سے نوازا ، اللہ پاک نے ان کا مقام بلند فرمایا ، اس لئے ہمیں ان بزرگوں سے محبت ہے اور ہم اللہ پاک کی رحمت سے پختہ اُمِّید رکھتے ہیں کہ اِنْ شَآءَ اللہُ الْکَرِیْم! اولیائے کرام کی یہ محبت ہماری بخشش کا ذریعہ بھی بنے گی اور جنّت میں داخلے کا سبب بھی بن جائے گی۔

ہم کو اللہ اور نبی سے پیار ہے                                                                     اِنْ شَآءَ اللہ! اپنا بیڑا پار ہے

اُمّہات المؤمنین و چار یار                   سب صحابہ سے ہمیں تو پیار ہے

غوث و خواجہ ، داتا اور احمد رضا            سے بھی اور ہر اِک ولی سے پیار ہے^([1])

اِنْ شَآءَ اللہ! اپنا بیڑا پار ہے

       اِبْنِ سمَّاک رَحمۃُ اللہِ عَلَیْہ کی نرالی دُعا

حضرت اِبْنِ  سمَّاک رَحمۃُ اللہِ عَلَیْہ نیک بزرگ ہوئے ہیں ، امام غزالی رَحمۃُ اللہِ عَلَیْہ فرماتے ہیں : جب حضرت اِبْنِ سمَّاک رَحمۃُ اللہِ عَلَیْہ کا آخری وقت آیا تو آپ نے اللہ پاک کی بارگاہ  میں دُعا