Book Name:Hazrat Salman Farsi Ki Duniya Se Be Raghbati
کے لئے سلام بھیجا کرتے تھے۔ صحابۂ کرام عَلَیْہِمُ الرِّضْوَان کی شان بیان کرتے ہوئے ان کا پیارا اللہ پاک فرماتا ہے :
مُحَمَّدٌ رَّسُوْلُ اللّٰهِؕ-وَ الَّذِیْنَ مَعَهٗۤ اَشِدَّآءُ عَلَى الْكُفَّارِ رُحَمَآءُ بَیْنَهُمْ (پارہ : 26 ، سورۂ فتح : 29)
ترجمہ کنزالایمان : مُحَمَّداللہکے رسول ہیں اور ان کے ساتھ والے کافروں پر سخت ہیں ا ور آپس میں نرم دل۔
تفسیرصراط الجنان میں ہے : صحابۂ کرام عَلَیْہِمُ الرِّضْوَان آپس میں ایسے نرم دل اورایک دوسر ے کے ساتھ ایسے محبت و مہربانی کرنے والے تھے جیسے ایک باپ اپنے بیٹے کے ساتھ کرتا ہے۔ ([1])
پیارے اسلامی بھائیو! صحابۂ کرام عَلَیْہِمُ الرِّضْوَان کے اس مبارک انداز میں ہمارے لئے بھی نصیحت ہے ، ہمیں چاہئے کہ ہم بھی اپنے مسلمان بھائیوں کی نفرت ، بغض و کینہ (یعنی پوشیدہ دشمنی) ہر گز ہر گز دِل میں نہ آنے دیں ، اپناسینہ صاف شفّاف رکھیں اور اپنے مسلمان بھائیوں سے صِرْف و صِرْف اللہ پاک کی رضا کے لئے محبت کیا کریں۔ حدیثِ پاک میں ہے : مسلمان آپس میں ایک جسم کی مانند ہیں کہ ایک عُضْو تکلیف میں ہو تو تمام اَعْضا متاَثِّر ہوتے ہیں۔([2])
مبتلائے درد کوئی عضو ہو روتی ہے آنکھ کس قدر ہمدرد سارے جسم کی ہوتی ہے آنکھ
اللہ پاک ہمیں آپس میں پیار ، محبت ، اتفاق و اتحاد اور بھائی چارے کے ساتھ مِل جُل کر شفقت و نرمی والی زندگی گزارنے کی توفیق عطا فرمائے۔ آمِیْن بِجَاہِ خَاتَمِ النَّبِیّٖنَ صَلّی اللہُ عَلَیْہِ وَآلِہٖ وَسَلَّم۔