اللہ اکبر!پیارے اسلامی بھائیو!  غور کیجئے ! آنکھ بہت نازک عُضو ہے ، آنکھ میں معمولی ذرّہ یا تنکا چلا جائے  تو آدمی تڑپ کر رہ جاتا ہے مگر عبادت کی کیسی انوکھی لذّت ہے کہ حضرت رابعہ  رَحْمَةُ اللّٰهِ عَلَیْہا کی آنکھ میں تنکا گیا اُس سے آنکھ زخمی ہو گئی اِس کے باوجود آپ کو خبر تک نہ ہوئی ۔  کسی فارسی شاعِر نے کہا ہے :

نَمَازِ زَاہِدَاں سَجْدَہ سُجُوْد اَسْت           نَمَازِ عَاشِقَاں تَرْکِ وَجُوْد اَسْت

قِیَام وقَعْدَہ وتَکْبِیْر ونِیَّت                ہَمَہ مَحْواَسْت دَرْ عَیْنِ مَعِیَّت^([1])

وضاحت : زاہدوں کی نماز رکوع وسجدہ ہے اور عاشقوں کی نمازِ ترکِ وُجُود  ہے(یعنی عشقِ الٰہی سے سرشار لوگ جب نماز میں کھڑے ہوتے ہیں تو خود کو بھول ہی جاتے ہیں)۔ قیام ، قعدہ ، تکبیر اور نیت وغیرہ تمام اعمالِ نماز میں یہ عینِ معیّت (یعنی بارگاہِ اِلٰہی میں حاضِری کی لذّت) میں محو ہوتے ہیں۔

مانندِ شمع تیری طرف لَو لگی رہے           دے لطف میری جان کو سَوز و گُداز کا^([2])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

لذّتِ عبادت سے محرومی کا وبال

 اے عاشقانِ رسول ! دیکھا آپ نے! ہمارے بزرگانِ دین کیسے خشوع و خضوع کے ساتھ ، اللہ پاک کی یاد میں بالکل محو ہو کر انتہائی لذّت سے عِبَادت کیا کرتے تھے۔ اللہ پاک ہمیں بھی عِبَادت و ریاضت میں ایسی لذّت نصیب فرمائے۔  امام حسن بصری رَحمۃُ اللہِ عَلَیْہ فرماتے ہیں :  لوگ نماز ، قرآن اور دُعا ان 3 چیزوں کی حَلاوت (یعنی مٹھاس) سے محروم ہو گئے ، اگر تمہیں ان 3 چیزوں کی حلاوت نصیب ہو جائے تو اللہ پاک کاشکر ادا کرو ، اگر