دُنیا میں سب سے اَہَم کام

مشہور صوفی بُزرگ مولانا جلال الدین رومی رَحْمَۃُ اللہِ عَلَیْہ فرماتے ہیں : اگر بادشاہ تمہیں کسی خاص کام سے کہیں بھیجے ، تم راستے میں اَوْر بہت سارے کام کرو مگر وہ خاص کام جس کے لئے بادشاہ نے بھیجا ہے ، وہ کرنا بھول جاؤ تَو بتاؤ کیا بادشاہ تم سے خوش ہو گا؟ ہر گز نہیں ہو گا ، بس اسی لئے دُنیا میں انسان ہر کام بھولے توبھول جائے مگر ایک کام ہے جو ہر گز نہیں بھولنا چاہیے۔  وہ خاص کام کیا ہے ، اس کا ذِکْر پارہ 22 ، سُوْرَۃُ الْاَحْزَاب کی اس آیت میں ہے : ^([1])

اِنَّا عَرَضْنَا الْاَمَانَةَ عَلَى السَّمٰوٰتِ وَ الْاَرْضِ وَ الْجِبَالِ فَاَبَیْنَ اَنْ یَّحْمِلْنَهَا وَ اَشْفَقْنَ مِنْهَا وَ حَمَلَهَا الْاِنْسَانُؕ-    (پارہ : 22 ، سورۂ اَحزاب : 72)                                                                                                                                                                                                                         

ترجمہ کنز الایمان : بے شک ہم نے امانت پیش فرمائی آسمانوں اور زمین اور پہاڑوں پر تو اُنہوں نے اس کے اٹھانے سے انکار کیا اور اس سے ڈر گئے اور آدمی نے اٹھالی۔

آیت میں امانت سے نمازیں اور ہر وہ کام مراد ہے جس کے کرنے پر ثواب ملے اور نہ کرنے پر گُنَاہ ہو۔ ^([2])یعنی نماز پڑھنا اور نیکیاں کماناوہ اہم کام ہیں جس کے لئے ہمیں دُنیا میں بھیجا گیا ہے ۔

افسوس! ہمیں ہر کام یاد رہ جاتا ہے * کھانا نہیں بھولتے * پینا نہیں بھولتے *  نئے کپڑے لینا نہیں بھولتے * موبائِل کا نیا ماڈل آجائے تو جب  تک خرید نہ لیں ، چَین نہیں آتا *  گاڑیوں کے نئے نئے ماڈل تَوَجُّہ میں رکھتے ہیں *  ہاں! تَوَجُّہ نہیں رہتی تو سب سے اہم کام یعنی عبادت کی طرف تَوَجُّہ نہیں رہتی *  قبر کی فِکْر نہیں ہوتی *  قبر کی