دیا گیا اور ہم نے   ادب ہی کرنا ہے اوربَس!

بڑوں کے اختلاف میں پڑیں نہ ہم ، یہی ہے خیر           رکھیں ہم اُلْفتِ علی ، ارادتِ معاویہ

اللہ پاک ہمیں تمام صحابہ و اَہْلِ بیت کاباادب بنائے ، صحابۂ و اَہْلِ بیت رَضِیَ اللہُ عَنْہُم کی بےپناہ محبتیں ہمیں نصیب فرمائے۔ آمِیْن بِجَاہِ خَاتَمِ النَّبِیِّیْن صَلّی اللہُ عَلَیْہِ وَآلِہٖ وَسَلَّم۔  

صَلُّوا عَلَی الْحَبیب!                                                           صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : مدنی قافلہ

اے عاشقانِ رسول! عشقِ رسول کے جام پینے ، صحابہ و اَہْلِ بیت کی محبت دِل میں بڑھانے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے اور ذیلی حلقے کے 12 دِینی کاموں میں خُوب بڑھ چڑھ کر حِصَّہ لیجئے! اِنْ شَآءَ اللہُ الْکَرِیْم! اس کی بےشُمار برکتیں نصیب ہوں گی۔ ذیلی حلقے کے 12 دِینی کاموں میں سے ایک دینی کام ہے :  مدنی قافلہ ، آئیے ! ترغیب کے لئے ایک مدنی بہار سنتے ہیں :

نشے کی عادتِ بَد چُھوٹ گئی

جیکب آباد سندھ کے ایک اسلامی بھائی کا بیان کچھ یوں ہے : پہلے میں غلط عقائد کا حامِل اور اخلاقی بُرائیوں کی دلدل میں دھنسا ہوا تھا ، روزانہ رات کو نشہ کرتا ، پھر بَد مست ہو کر گھر پہنچتا اور بستر پر بے سُدھ ہو کر سویا رہتا۔ میری ماں میری حالت دیکھ کر روتی رہتی اور مجھے سمجھاتی لیکن مجھ پر ذرا بھی اثر نہ ہوتا ، غالباً2010ء کی بات ہے ، میری ملاقات دعوت اسلامی سے وابستہ ایک اسلامی بھائی سے ہوئی ، انہوں نے مجھے سمجھایا اور مدنی قافلے میں سَفَر کی ترغیب دلائی ، یُوں مجھے زندگی میں پہلی بار مدنی قافلے میں سَفَر کی