Book Name:Faizan e Ameer Muawiya
وہ معاویہ پہلے عادِل بادشاہ اسلام کے پیشگوئی اس شہی کی کر گئے احمدرسول
مانتے ہیں اُن کی شانوں کو ہمارےسب بزرگ اُن کی عظمت کی ہیں قائِل سب سَلِیْمانه عُقُول
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
اے عاشقانِ رسول ! ا س پُوری تفصیل سے 3 ایمان افروز مدنی پھول سیکھنے کو ملے :
(1) : کمالاتِ صحابہ کمالاتِ مصطفےٰ صَلّی اللہُ عَلَیْہِ وَآلِہٖ وَسَلَّم ہیں
صحابۂ کرام عَلَیْہِمُ الرِّضْوَان کے کمالات کا ذِکْر صِرْف ان کے کمالات ہی کا ذِکْر نہیں بلکہ نعتِ مصطفےٰ بھی ہے۔ دیکھئے! حضرت امیر معاویہ رَضِیَ اللّٰہُ عَنْہ صحابی ہیں ، اللہ پاک نے تورات شریف میں ان کی بادشاہت کا ذِکْر فرمایا مگر کیسے؟ کیاان کا ذِکْر کر کے ؟ نہیں ، نہیں ، اللہ پاک نے وَصْف بیان کیا اپنےمحبوب صَلّی اللہُ عَلَیْہِ وَآلِہٖ وَسَلَّم کا اور اُس وَصْفِ پاک کے آئینہ دار بنے حضرت امیر معاویہ رَضِیَ اللّٰہُ عَنْہ ۔ معلوم ہوا؛ ہم صحابۂ کرام عَلَیْہِمُ الرِّضْوَان کی شان بیان کریں تو یہ صِرْف شانِ صحابہ کا بیان نہیں بلکہ نعتِ مصطفےٰ بھی ہے * جب ہم حضرت صِدِّیقِ اکبر رَضِیَ اللّٰہُ عَنْہ کی شان بیان کریں * حضرت فاروقِ اعظم رَضِیَ اللّٰہُ عَنْہ کی شان بیان کریں * حضرت عثمانِ غنی رَضِیَ اللّٰہُ عَنْہ کی شان بیان کریں * حضرت مولا علی رَضِیَ اللّٰہُ عَنْہ کی شان بیان کریں * حضرت امیر معاویہ رَضِیَ اللّٰہُ عَنْہ کی شان بیان کریں * کسی بھی صحابی رَضِیَ اللّٰہُ عَنْہ کی شان بیان کریں تو یہ صحابۂ کرام عَلَیْہِمُ الرِّضْوَان کی منقبت تو ہے ہی ، اس کے ساتھ ساتھ نعتِ مصطفےٰ صَلَّی اللہُ عَلَیْہِ وَاٰلِہٖ وَسَلَّم بھی ہے کہ ان سب کو جو بھی شان ملی ، جو بھی رُتبے نصیب ہوئے ، یہ سب سرکارِ عالی وقار ، مکی مدنی تاجدار صَلَّی اللہُ عَلَیْہِ وَاٰلِہٖ وَسَلَّم کی بدولت ہی نصیب ہوئے ہیں۔