Book Name:Shab e Meraj Nawazshat e Mustafa
تاج بھی تو جھک گیا تھا، لہٰذا مصطفےٰ جانِ رحمت صَلَّی اللہُ عَلَیْہِ وَاٰلِہٖ وَسَلَّم کے مبارک پاؤں کو صِرْف حضرت جبریلِ امین عَلَیْہِ السَّلَام ہی بوسہ نہیں دے رہے تھے بلکہ حضرت جبریلِ امین عَلَیْہِ السَّلَام کا عمامے کا تاج بھی بھی قَدَمَیْنِ مصطفےٰ صَلَّی اللہُ عَلَیْہِ وَاٰلِہٖ وَسَلَّم کے سامنے جھک رہا تھا۔
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
بُراق پر نوازشِ مصطفےٰ صَلَّی اللہُ عَلَیْہِ وَاٰلِہٖ وَسَلَّم
پیارے اسلامی بھائیو! معراج کی رات ایسی ہی نوازش بُراق پر بھی ہوئی، جنّت میں ہزاروں بُراق تھے، پیارے آقا، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم کی سُواری بننے کا شرف پانے کے لئے اُن میں سے ایک براق کا انتخاب ہوا، روایات میں ہے جب معراج کے دولہا، امامُ الانبیا صَلَّی اللہُ عَلَیْہِ وَاٰلِہٖ وَسَلَّم بُراق پر سُوار ہونے لگے تو بُراق نے اُچھل کُود شروع کر دی، عُلَما فرماتے ہیں: اس وقت بُراق اپنے نصیب پر نازکر رہا تھا کہ واہ! میرا نصیب...! آج امامُ الانبیا،محبوبِ خُدا صَلَّی اللہُ عَلَیْہِ وَاٰلِہٖ وَسَلَّم کی سُواری بننے کا شَرْف مِل گیا ہے، اس خوشی میں بُراق پر وَجْد طاری ہو گیا اور اُس نے اُچھل کُود کی۔([1])
مرحبا! مرحبا! صاحبِ معراج رحمتِ کبریا! صاحبِ معراج
لطفِ حق ہو گیا! صاحبِ معراج شاہِ ہر دو سرا! صاحبِ معراج
رہبر و رہنما! صاحبِ معراج نیک دیجئے بنا! صاحبِ معراج
ہو مبارک شہا! صاحبِ معراج یا شفیع َالوریٰ! صاحبِ معراج
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد