سُبْحٰنَ اللہ !پیارے اسلامی بھائیو! ہمارے آقا و مولیٰ،مُحَمَّد مصطفےٰ صَلّی اللہُ عَلَیْہِ وَآلِہٖ وَسَلَّم نے میدانِ محشر کوبھی نوازا، وہ مقام جہاں کل قیامت کاامتحان ہو گا، جب زمین کو تانبے کی زمین سے بدل دیا جائے گا، سورج سوا میل پر رِہ کر آگ برسا رہا ہو گا، زمین دہک رہی ہو گی، جہاں اگلے پچھلوں کو جمع کیاجائے گا، معراج کی رات اس خطۂ زمین پر ہمارے آقا و مولیٰ،مُحَمَّد عربی صَلّی اللہُ عَلَیْہِ وَآلِہٖ وَسَلَّم نے اپنے رحمت والے قدم لگا کر اسے شرف عطا فرمایا یا یُوں کہہ لیجئے کہ کل روزِ قیامت جہاں حُضُورِ اکرم، نورِ مجسم صَلّی اللہُ عَلَیْہِ وَآلِہٖ وَسَلَّم کے غُلاموں نے جمع ہونا ہے، وہ دہکتی ہوئی زمین...! ہمارے آقا و مولیٰ،سلطانِ دوجہاں صَلّی اللہُ عَلَیْہِ وَآلِہٖ وَسَلَّم نے اس سرزمین پرمبارک قدم لگاکر اس خطے سے اجنبیت کو ختم کردیا اور ایک اُنْسِیت عطافرمادی۔ ہم اللہ پاک کی رحمت سے  اُمِّید رکھتے ہیں کہ ہم غُلامانِ مصطفےٰ صَلّی اللہُ عَلَیْہِ وَآلِہٖ وَسَلَّم کل جب قیامت کے میدان میں حاضِر ہوں گے تو اِنْ شَآءَ اللہُ الْکَرِیْم!  میدانِ محشر پر ہونے والے اس کرم کی برکات سے حِصَّہ ضرور نصیب ہو گا۔   

دنیا میں مجھے تُو نے گر اپنا بنایا ہے         محشرمیں بھی کہہ دینا یہ ہے میرا دیوانہ

صَلُّوْا عَلَی الْحَبیب!                                                           صَلَّی اللّٰہُ عَلٰی مُحَمَّد

مسجدِاَقْصیٰ پر نوازشاتِ مصطفےٰ صَلّی اللہُ عَلَیْہِ وَآلِہٖ وَسَلَّم

اے عاشقانِ رسول! معراج کے دولہا، محبوبِ خُدا صَلّی اللہُ عَلَیْہِ وَآلِہٖ وَسَلَّم مِعْراج کی رات مسجدِ اَقْصیٰ میں کیوں تشریف لے کر گئے؟ مکہ مکرمہ سے سیدھاآسمان کا رُخ کیوں نہ