❸گُنَاہ بخشوانے والا تیسرا عمل؛ایک نماز کے بعددوسری نماز کاانتظارکرنا: حضرت ابوہریرہ رَضِیَ اللّٰہ عَنْہُ سے روایت ہے: بندے نے جہاں نماز پڑھی، وہیں بیٹھا رہے تو جب تک وُضُو نہ ٹوٹے، فرشتے اس کے لئے دُعا کرتے رہتے ہیں، فرشتے کہتے ہیں: اَللّٰہُمَّ اغْفِرْہُ اَللّٰہُمَّ ارْحَمْہُ اِلٰہی! اس کی مغفرت فرما، اِلٰہی! اس پر رحم فرما۔^([1])

درجات بلند کرنے والے 3 اَعْمَال

ان 12 میں 3 اعمال درجات بلند کروانے والے ہیں:❶کھانا کھلانا ❷سلام کو عام کرنا ❸رات کو جب لوگ سو رہے ہوں، اس وقت نماز پڑھنا۔ حضرت عبد اللہ بن سلام رَضِیَ اللہُ عَنْہ فرماتے ہیں: میں نے مدینہ منورہ میں آخری نبی، رسولِ ہاشمی  صَلّی اللہُ عَلَیْہِ وَآلِہٖ وَسَلَّم کی مبارک زبان سے سب سے پہلا جو کلام سُنا وہ یہ تھا: یَا اَیُّہَا النَّاسُ! اے لوگو! اَفْشُوا السَّلَامَ سلام کو عام کرو!وَ اَطْعِمُوا الطَّعَامَ کھانا کھلاؤ! وَ صَلُّوْا بِالَّیْلِ  وَالنَّاسُ نِیَامٌ اور رات كو لوگ سو رہے ہوں، اس وقت نماز پڑھو تَدْخُلُوا الْجَنَّۃَ بِسَلَامٍ (تم 3کام کرو تو)سلامتی کے ساتھ جنّت میں داخِل ہو جاؤ گے۔^([2])  

نجات دلانےوالے  3 اعمال

پیارے اسلامی بھائیو!  ان 12 اعمال میں 3 اعمال نجات دلانے والے ہیں:❶خَلْوَت ہو یا جلوت ہو، بازار میں ہوں یا گھر میں، دوستوں کی محفل ہو یا تنہائی، ہر حال میں اللہ پاک سے ڈرتے رہنا❷غربت ہو یا مالداری، ہاتھ تنگ ہو یا کھلا ہو، پیسے کی کمی ہو یا کثرت ہو، ہر