Book Name:Shab e Meraj Nawazshat e Mustafa
طالِب کا پتہ مَطْلُوب کو ہے مَطْلُوب ہے طالِب سے واقِف
پَردے میں بُلا کر مِل بھی لئے پَردہ بھی رَہا سُبْحٰنَ اللہ!
ہے عَبْد کہاں معبود کہاں مِعْرَاج کی شب ہے راز نِہاں
دو نُور حجابِ نُور میں تھے خود ربّ نے کہا سُبْحٰنَ اللہ!
سمجھے حامِدؔ اِنسان ہی کیا یہ راز ہیں حُسن و اُلْفَت کے
خالِق کا حَبِیْبِی کہنا تھا خَلقت نے کہا سُبْحٰنَ اللہ!([1])
اللہ کی عنایت! مرحبا معراج کی عظمت! مرحبا
براق کی قسمت! مرحبا براق کی سُرعَت! مرحبا
اقصیٰ کی شوکت! مرحبا نبیوں کی امامت! مرحبا
آقا کی رِفعت! مرحبا آسماں کی سیاحت! مرحبا
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
معراج شریف کی روایات میں ہے: جب معراج کے دُولہا، محبوبِ خُدا صَلَّی اللہُ عَلَیْہِ وَاٰلِہٖ وَسَلَّم بُراق پر سُوار ہو کر مسجدِ اقصیٰ کی طرف تشریف لے جا رہے تھے، راستے میں ایک مقام پر کسی نے آپ صَلَّی اللہُ عَلَیْہِ وَاٰلِہٖ وَسَلَّم کو پُکار کر کہا: میری طرف دیکھئے! میں نے آپ سے کچھ پوچھنا ہے۔ پیارے آقا، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم نے اس کی طرف بالکل تَوَجُّہ نہ فرمائی۔ کچھ آگے جا کر پھر کسی نے پُکارا: میری طرف نگاہ فرمائیے! مجھے آپ سے کچھ پوچھنا ہے۔ حُضُورِ اکرم، نُورِ مجسم صَلَّی اللہُ عَلَیْہِ وَاٰلِہٖ وَسَلَّم نے اس کی طرف بھی تَوَجُّہ