نام رکھنے کی سنتیں اور آداب

فرمانِ آخری نبی ، رسولِ ہاشمی صَلَّی اللّٰهُ عَلَیْهِ وَ آلِهٖ وَ سَلَّم : قیامت کے دن تم کو تمہارے اور تمہارے باپوں کے نام سے پُکارا جائے گالہٰذا اپنے اچھے نام رکھو۔ ^([1])

اے عاشقانِ رسول !مفتی امجد علی اعظمی رَحْمَةُ اللّٰهِ عَلَیْه فرماتے ہیں : بچے کا اچھا نام رکھا جائے بہت سےلوگوں کے ایسے نام ہیں جن کے کچھ معنیٰ نہیں یا ان کے بُرے معنیٰ ہیں ایسے ناموں سے پرہیز کریں* انبیائےکرام عَلَیْهِمُ السَّلَام  اور صحابہ و تابعین رِضْوَانُ اللّٰهِ عَلَیْهِمْ کے نام پر نام رکھنا بہتر ہے ، اُمّید ہے کہ ان کی برکت بچے کے شامل حال ہو* بچہ زندہ پیدا ہوا یا مُردہ اس کا بدن مکمل ہوا ہو یا مکمل نا ہوا ، بہرحال اس کا نام رکھا جائے * حدیث پاک میں  ہے : کچّے بچّے کا نام رکھو کہ اللہ پاک اس کے ذریعے تمہارے عمل کے ترازو کو بھاری کرے گا * جبریل یا میکائیل وغیرہ نام نہ رکھئے * یٰسین یا طٰہٰ نام رکھنا منع ہے* محمد یٰسین نام بھی مت رکھئے ، ہاں چاہیں تو غُلام یٰسین اور غلام طٰہٰ رکھ لیجئے* جو نام بُرے ہوں ان کو بدل کر اچھا نام رکھنا چاہئےکہ اپنی اُمَّت سے پیار کرنے والے پیارے پیارے آقا صَلَّی اللّٰهُ عَلَیْهِ وَ آلِهٖ وَ سَلَّم بُرے نام کو اچھے نام سے بدل دیتے تھے۔ ایک خاتون کا نام عاصِیَہ(یعنی گنہگار)تھا ، رسولِ کریم صَلَّی اللّٰهُ عَلَیْهِ وَ آلِهٖ وَ سَلَّم نے اس کے نام کو بدل کر جَمِیلہ رکھا* ایسے نام رکھنا جائز نہیں جو غیر مسلموں کے لئے مخصوص ہوں* غُلام رسول ، غُلام صدیق ، غُلام حُسین ، غُلام غوث ، غُلام رضا نام رکھنا جائز ہے۔ ^([2])

مختلف سنتیں سیکھنے کے لئے مکتبۃالمدینہ کی بہارشریعت جلد : 3 ، حصہ : 16 ، اور شیخ